ءبىر ويىن الاڭىندا روبوتوتەحنيكا چەمپيونى اتاعىن الۋ ءۇشىن الماتى، استانا، شىمكەنت، قاراعاندى، ەكىباستۇز، جەزقازعان قالالارىنان 30 ۇزدىك مەكتەپ كوماندالارى جينالدى.
ايتا كەتەلىك، ەلىمىزدىڭ 30 مەكتەبى بەس اي بويىنا Arduino ميكروكونتروللەرى نەگىزىندە ەكى روبوت ازىرلەۋمەن اينالىستى.
ولاردىڭ نەگىزگى ماقساتى- بەلگىلى ءبىر ۋاقىت ارالىعىندا ويىن الاڭىندا ناقتى كوماندالاردى جيناۋ، دالىرەك ايتقاندا: روبوتتاردىڭ وزدەرى روبوت وندىرۋمەن اينالىسۋ كەرەك ەدى.
بىرىنشىلىكتىڭ شىمىلدىعىن تۇرگەن ءىىتU-دىڭ پرورەكتورى مەدەت تۇرعامبايەۆتىڭ ايتۋىنشا بۇل باسەكە جاڭا بۋىندى زاماناۋي تەحنوليالاردىڭ قىر-سىرىن تۇسىنۋگە يتەرمەلەيدى. روبوت تەحنيكاسىن دامىتۋ زامان كوشىنە ىلەسۋ.
«بايقاۋدى ۇيىمداستىرۋعا حالىقارالىق اقپاراتتىق تەحنولوگيالار ۋنيۆەرسيتەتى ۇيىتقى بولدى. ءبىزدىڭ وقۋ ورنى IT-يندۋسترياسىنداعى بىلىكتى، حالىقارالىق دەڭگەيدە تانىلعان مامانداردى دايىنداۋدىڭ كوشباسشى.
بۇل رەتتە «IITURoboconGames» مەكتەپ وقۋشىلارى اراسىنداعى جارىس ەلىمىزدە ءالى جولعا دامي قويماعان سالانىڭ تىنىسىن اشادى دەپ سەنەمىن. قازاقستاندا حالىقارالىق ستاندارتتارعا ساي روبوت جاسالسا ەل ءۇشىن بۇدان ارتىق قانداي جارناما قاجەت؟ سوندىقتان بۇگىنگى جارىس ماقساتى تالانتتى جاستاردى ايقىنداۋعا عانا ەمەس، سونىمەن قاتار روبوتوتەحنيكانى دامىتۋعا دا مۇمكىندىك بەرەدى»، - دەدى ول ءوز سوزىندە.
ال «شيەۆرون» كومپانياسىنىڭ وكىلى قوشپانوۆا جاناردىڭ اتاپ وتكەنىندەي شيەۆرون اتالعان بايقاۋعا وسىمەن 4ء-شى جىل قاتارىنان قولداۋ كورسەتۋدە.
«بيىلعى جىلى ءبىز قازاقستان رەسپۋبليكاسىمەن تابىستى ىنتىماقتاستىعىمىزدىڭ 25-جىلدىعىن اتاپ وتتىك، وسى جىلدارى ءبىزدىڭ الەۋمەتتىك ينۆەستيسيالارىمىز مەملەكەت ازاماتتارىنىڭ الەۋەتىن دامىتۋعا ارنالدى. مىسالى، بىرنەشە جىلدان بەرى ءبىز تەحنيكالىق ءبىلىمدى دامىتۋ باعدارلامامىزدىڭ اجىراماس بولىگى بولىپ تابىلاتىن Robocon Gamesء-تى قولداۋدامىز»، – دەدى ول.
Arduino بازاسىندا روبوتتاردى دايىنداۋ بالالاردى ەلەكترونيكادان باستاپ باعدارلامالاۋعا دەيىن روبوتتاردى قۇرۋدىڭ تولىق سيكلىنا بەيىمدەيدى.
مۇنداي ازىرلەۋ LEGO EV3 بازاسىندا روبوتتاردى قۇراستىرۋعا قاراعاندا الدەقايدا قيىن جانە STEM- مازمۇنىنا كوبىرەك سايكەس كەلەدى. (STEM: S – science، T – technology، E – engineering، M – mathematics، جاراتىلىستانۋ عىلىمدارى، تەحنولوگيا، ينجەنەريا، ماتەماتيكا ت. ب.).
STEM ءبىلىمىن قازاقستاندا دامىتۋ - «شيەۆرون» كومپانياسىنىڭ باسىم ماقساتتارىنىڭ ءبىرى.
بايقاۋ قورىتىندىسىندا جەڭىمپازدار باعالى سىيلىقتارعا، سونداي-اق حالىقارالىق اقپاراتتىق تەحنولوگيالار ۋنيۆەرسيتەتىندە وقۋعا گرانتتار مەن جەڭىلدىكتەرگە يە بولدى.
ابىلاي ەرجانوۆ، الماتى قالاسى ءبىلىم يننوۆاسيا ليسەيىنىڭ وقۋشىسى، ليسەي اتىنان جارىسقا قاتىسقان كوماندا كاپيتانى:
– ءبىزدىڭ كوماندا "IITU Robocon Games!" جارىسىنا العاش رەت قاتىستى. شىنى كەرەك، باسەكەلەستەردىڭ ءبىرازى قارىمدى ەكەن، بايقاۋعا بىرنەشە رەت قاتىسىپ، تاجىريبە جيناقتاعانى كورىنىپ تۇر. سوندىقتان بۇل جولى قارسىلاستارىمىزدى بارلاپ، قارىم-قابىلەتتەرىن سىنادىق.
بۇل باسەكە بىزگە ۇلكەن مەكتەپ بولدى. قازاقستانداعى روبوتوتەحنيكا سالاسىنىڭ نەگىزىن قالايتىن العاشقى ونەرتاپقىشتار اتانعىمىز كەلەدى.
وسى ماقساتتا ءوزىمىزدىڭ بىلىم-بىلىگىمىزدى شىڭداي تۇسەتىن بولامىز. سەبەبى، روبوتوتەحنيكا سالاسى ءبىر ورنىندا تۇرمايدى. اتاعى الەمگە تاراعان فەيسۋبك، گۋگل، امازون سياقتى ايگىلى كومپانيالاردىڭ قاتارىندا قىزمەت ەتىپ، قازاق بالاسى دا تىڭ يدەيالاردىڭ باستاماشىسى بولارىن دالەلدەمەك ويىمىز بار.
بۇگىن شاراعا شيەۆرون كومپانياسى قولداۋ كورسەتكەن ەكەن. ايتار العىسىمىز شەكسىز. كومپانيا قولداۋىنىڭ ارقاسىندا ءبىز ءوز جوبامىزدى تانىستىرۋعا مۇمكىندىك الدىق.
ءبىلىم يننوۆاسيا ليسەيىنىڭ وقۋشىلارى ءۇشىن وسى جولعى بايقاۋ العاشقى باسپالدىق بولدى. بۇدان دا بيىك بەلەستەردى باعىندارىرىمىزعا بەك سەنىمدىمىن.
