Qazaqstannyń birinshi raketkasy Elena Rybakina Germaniianyń Shtýtgart qalasynda ótken WTA-500 sanatyndaǵy bedeldi jarystyń chempiony atandy, dep habarlaidy Dalanews.kz.
Finaldyq kezdesýde qazaqstandyq tennisshi chehiialyq Karolina Mýhovaǵa qarsy oinady. Birinshi sette tartys joǵary deńgeide órbip, Rybakina 7:5 esebimen basym tústi. Al ekinshi partiiada ol qarsylasyna esh múmkindik qaldyrmai, 6:1 esebimen aiqyn basymdyq tanytty. Kezdesý jalpy 1 saǵat 18 minýtqa sozyldy.
Jeńisiniń arqasynda Rybakina 161 310 eýro kóleminde syiaqy alyp, álemdik reitingtegi qorjynyna 500 upai qosty. Sonymen qatar týrnir demeýshileri tarapynan sporttyq avtokólikke ie boldy.
