قازاقستاننىڭ ءبىرىنشى راكەتكاسى ەلەنا رىباكينا گەرمانيانىڭ شتۋتگارت قالاسىندا وتكەن WTA-500 ساناتىنداعى بەدەلدى جارىستىڭ چەمپيونى اتاندى، دەپ حابارلايدى Dalanews.kz.
فينالدىق كەزدەسۋدە قازاقستاندىق تەننيسشى چەحيالىق كارولينا مۋحوۆاعا قارسى وينادى. ءبىرىنشى سەتتە تارتىس جوعارى دەڭگەيدە ءوربىپ، رىباكينا 7:5 ەسەبىمەن باسىم ءتۇستى. ال ەكىنشى پارتيادا ول قارسىلاسىنا ەش مۇمكىندىك قالدىرماي، 6:1 ەسەبىمەن ايقىن باسىمدىق تانىتتى. كەزدەسۋ جالپى 1 ساعات 18 مينۋتقا سوزىلدى.
جەڭىسىنىڭ ارقاسىندا رىباكينا 161 310 ەۋرو كولەمىندە سىياقى الىپ، الەمدىك رەيتينگتەگى قورجىنىنا 500 ۇپاي قوستى. سونىمەن قاتار تۋرنير دەمەۋشىلەرى تاراپىنان سپورتتىق اۆتوكولىككە يە بولدى.
