«16 shildege josparlanǵan «Almaty – Male» reisiniń uzaq keshigýine bailanysty jedel túrde eki kún ishinde tergeý júrgizildi. Onyń qorytyndysy boiynsha osy reistiń jolaýshylary ushýdy 15 saǵattan artyq kútkendigi anyqtaldy. Reisti kútý kezinde jolaýshylarǵa «Qazaqstan Respýblikasynyń áýe keńistigin paidalaný jáne aviatsiia qyzmeti týraly» QR Zańynyń 86-babynyń 1-bóliginde kózdelgen qyzmetter, atap aitqanda qonaq úide turý boiynsha qyzmetter tiisti túrde usynylmaǵan» dep jazylǵan komitet habarlamasynda.
Áýe kompaniiasyna 1000 ailyq eseptik kórsetkish iaǵni, shamamen 3 mln teńge (6200 dollar) aiyppul salynǵan.
Osy ýaqytqa deiin komitetke barlyǵy 150-ge jýyq ótinish kelip túsken. «Olardyń árqaisysy boiynsha anyqtaý jumystary júrgizilip jatyr. Onyń nátijesi boiynsha qoldanystaǵy zańnamada kózdelgen tiisti is sharalar qabyldanatyn bolady» dep jazylǵan habarlamada.
Osyǵan deiin Qazaqstannyń azamattyq aviatsiia komiteti Air Astana jáne oǵan enshiles FlyArystan áýe kompaniiasy reisteriniń «kóp keshikkeni» jaily faktilerdi tekseretinin habarlaǵan.
Komitettiń aitýynsha, Air Astana jáne oǵan enshiles FlyArystan áýe kompaniiasynyń «Almaty — Male», «Nur-Sultan — Tashkent» jáne «Almaty — Qostanai» jáne ózge baǵyttar boiynsha reisteriniń keshikkeni jaily jolaýshylardan aryz-shaǵymdar kelip túsken.
Ótken aptada Air Astana áýe kompaniiasy Maldiv araldaryna ushatyn reisiniń keshigýin ushý kezinde anyqtalǵan aqaýmen bailanystyrǵan.
