Merekelik sharada «Qyran elim – Qazaqstan» horeografıalyq-sazdy teatrlandyrylǵan qoıylymmen ashylǵan merekelik keshte ulttyq merekeniń mán-mazmuny jan-jaqty aıshyqtaldy. Túrkistan oblysynyń ákimi Darhan Satybaldy kópshilikti Respýblıka kúnimen quttyqtap, táýelsizdiktiń baǵa jetpes qundylyq ekenin aıtty.
– Barshańyzdy Respýblıka kúni merekesimen shyn júrekten quttyqtaımyn. Bul merekeniń máni aıryqsha. Memleket basshysy Qasym-Jomart Toqaev Ulytaýda ótken birinshi quryltaıda Respýblıka kúnine ulttyq mereke mártebesin qaıtarýdy usyndy. Bıyl, 25 qazan – ulttyq merekege aınalyp, Respýblıka kúni bolyp bekitildi. Álemde tili, dini, mádenıeti bar bolsa da, táýelsizdik ala almaı júrgen ulttar kóp. Bul rette basqa qonǵan baqty baǵalaǵan jón. Qazaqstan Respýblıkasynyń turaqtylyǵyn saqtaý, damytý – barshamyzdyń mindetimiz. Myzǵymas birlik pen izgi tirligimiz arqyly Jańa Qazaqstandy damytýǵa atsalysa bereıik. Túrkistanymyz túrlenip, Qazaqstanymyz gúldene bersin! – degen Darhan Satybaldy eldi damytýǵa úles qosqan bir top azamatqa memlekettik marapattardy tapsyrdy.
Atap aıtsaq, Túrkistan óńiriniń eńbegimen daralanǵan azamattaryna «Parasat», «Qurmet», İİİ dárejeli «Eńbek Dańqy» ordenderi usynyldy. Sonymen birge «Eren eńbegi úshin», «Erligi úshin», «Shapaǵat» medaldary men Qurmet Gramotalary da óz ıelerin tapty.
Respýblıka kúnine arnalǵan saltanatty jıynda oblys ákimi óńirde atqarylǵan jumystarǵa toqtalyp, aldaǵy josparlardy da baıandady.
– Táýelsizdigimizdiń arqasynda elimiz órkendep, tarıhymyz dáripteldi. Sonyń bir dáleli – Túrkistan oblysynyń qurylýy. Túrkistan qalasynyń tarıhı róline mán berilip, rýhanı ortalyqqa aınaldy. 4 jylda oblystyń áleýmettik-ekonomıkalyq damý qarqyny arta tústi. 2018 jylmen salystyrǵanda jalpy óńirlik ónim 1,6 esege artyp, kólemi 2 trln. 796 mlrd. teńgeni qurady. Bıyl ony 3 trln. teńgege jetkizýdi kózdep otyrmyz. Aldaǵy ýaqytta baǵdarymyzdy ózgertip, kúshti oblystyń ónerkásip áleýetin damytýǵa baǵyttaýymyz qajet.
Búgingi tańda oblys úshin mańyzdy birneshe iri jobany iske asyrý josparlanýda. Jalpy oblysta ónerkásipti damytýǵa barlyq múmkindikter bar. Aýdan, qalalarda ındýstrıaldy aımaqtar ashylǵan. Sonymen qatar óńirge ınvestorlar tartý maqsatynda Túrkistan qalasy aýmaǵynda «Turkistan» arnaıy ekonomıkalyq aımaǵy qurylǵan. Osyǵan baılanysty jergilikti bıznes ókilderin jańa jumys jáne óndiris oryndaryn ashýǵa atsalysýǵa shaqyramyn. Biz tıisti jer ýchaskesin bólip, qajetti ınfraqurylymdy tartýǵa jáne basqa da jeńildiktermen qoldaý kórsetýge daıynbyz, – dedi Darhan Satybaldy.
«Kongres hol» kesheniniń zamanaýı konsert zalynda ótken merekelik keshte oblystyń tanymal ónerpazdary otanshyldyq baǵyttaǵy ánderdi shyrqap, bıshiler óz ónerlerimen kórermenderdi serpiltti. Táýelsizdik, Otan, birlik, otanshyldyq uǵymdary án men jyrǵa arqaý etilip, ulttyq aspaptardan rýhty oıatatyn kúı tógildi.
Jalpy Respýblıka kúnine oraı Túrkistanda 1200-den astam is-shara ótkizý josparlanǵan. Búginde basym bóligi ótilip úlgergen.
