– Respýblıka kúnin atap ótý úshin arnaıy merekelik is-sharalar josparyn kúniburyn daıyndadyq. Bizdiń shyǵysqazaqstandyq turǵyndar respýblıka kóleminde júzege asatyn «Qyran elim – Qazaqstanym!» jalpyhalyqtyq patrıottyq is-sharaǵa qatysatyn bolady. Atalǵan shara aıasynda el azamattary Memlekettik ánurandy oryndap, kók baıraǵymyzdy saltanatty jaǵdaıda kókke kóteretin bolady, – dedi Janat Mekeeva.
Dál osy kúni Shyǵys Qazaqstan oblysynda el damýyna óz úlesin qosyp júrgen azamattarǵa memlekettik jáne vedmostvalyq mekemelerdiń marapattaryn tapsyrý rásimi ótetinin de aıta ketýimiz kerek.
– Mereke kúnderi SHQO turǵyndary «Taza tabıǵat» ekologıalyq aksıasyna, patrıottyq chellendjge qatysa alady. Sonymen qatar oblysymyzdaǵy etnomádenı ortalyqtarynyń ókilderi «Ónerimiz saǵan, Qazaqstan!» dep atalatyn respýblıkalyq festıválge qatysyp baqtaryn synaıdy, – dedi SHQO İshki saıasat basqarmasynyń basshysy.
Brıfıńke qatysqan SHQO Mádenıet basqarmasynyń basshysy Nurbolat Ahmetjanov mereke qarsańynda Shyǵys Qazaqstan oblystyq drama teatrynda túrli qoıylymdar jurtshylyq nazaryna usynylyp, merekelik konsertter uıymdastyrylatynyn atap ótti.
– Óskemen turǵyndary men qala qonaqtaryn mereke qarsańynda qoıylatyn qoıylymdar men «Ertis konsert» mekemesiniń merekelik konsertterin tamashalaýǵa shaqyramyz. Sonymen qatar oblys aýmaǵyndaǵy kitaphanalarda kitap kórmeleri uıymdastyrylady. Al 25 qazan kúni Óskemen qalasyndaǵy ortalyq alańda merekelik konsert ótedi. Bul – bizdiń basty is-sharamyz, – dedi Nurbolat Ahmetjanov.
Brıfıgtiń sońynda SHQO İshki saıasat basqarmasynyń basshysy Janat Mekeeva mereke qarsańynda Shyǵys Qazaqstan oblysynda birqatar áleýmettik nysandardyń ashyltynyn da atap ótti. Osylaısha Shyǵys Qazaqstan oblysynyń turǵyndary 25 qazan Respýblıka kúnin joǵary deńgeıde atap ótýdi kózdep otyr.
