Eń basty qundylyq – adamı kapıtal. Ár adam eliniń, qalasynyń qalyptasýy men damý jolynda ólsheýsiz úles qosýy keerk. Búgin Respýblıka kúni qarsańynda Astana qalasy turǵyndaryna qala ákimi memlekettik nagradalar «Parasat», «Qurmet», İİİ dárejeli «Eńbek Dańqy» ordenderi, «Qazaqstannyń Eńbek sińirgen qaıratkeri» ataǵy, «Ereń eńbegi úshin», «Shapaǵat» medaldary, QR Qurmet gramotalary tabys etti.
«Qurmet» ordenimen pedagogtar, dárigerler, mádenıet qaıratkerleri marapattaldy. Olardyń qatarynda hırýrg-dáriger V.Son bar, aqhalatty maman búginge deıin júzdegen adamnyń ómirin aman alyp qalǵan.
Al İİİ dárejeli «Eńbek Dańqy» ordenimen «Astana-Energıa» mashınısti Q.Aýpenov, «Astana-Teplotranzıt» slesari B. Jumadilov, avtopark júrgizýshisi Q.Qultaev syndy eńbek adamdary marapattaldy.
«Eren eńbegi úshin» medalimen «№5 gımnazıa» KMM muǵalimi L. Assalaýova, kónkımen júgirý sportynyń aǵa jattyqtyrýshysy V. Kostın jáne birqatar medısına qyzmetkerleri marapattaldy.
– Qurmetti elorda turǵyndary men qonaqtary, sizderdi kele jatqan Respýblıka kúni merekesimen quttyqtaımyn! Birlik pen tatýlyǵymyzdy saqtaı otyryp, budan da úlken bıikterge jete alamyz. Sizderge zor densaýlyq, baqyt jáne tabys tileımin! – dep jazdy ákim.
