Respublica partiiasy QB Almaty qalalyq filialynyń basshysy, kásipker Sholpan Ábdihalyqova QazGranit granit zaýytyn satylymǵa shyǵardy. Bul týraly nysandy satýmen ainalysyp jatqan rieltordyń habarlamasynda aitylǵan, dep habarlaidy Dalanews.kz.
Málimetke sáikes, Almatyda ornalasqan daiyn ári jumys istep turǵan granit zaýyty tolyq daiyn biznes retinde usynylǵan. Nysan 1 gektar jer teliminde ornalasqan. Óndiristik ǵimarattyń aýmaǵy 330 sharshy metrdi, al keńse ǵimaratynyń kólemi 1 200 sharshy metrdi quraidy. Barlyq nysan kúrdeli qurylystan ótken jáne jumys isteýge tolyq daiyn kúide ekeni atalyp ótken.
Satylymǵa shyǵarylǵan kásiporyn klienttik bazasymen jáne iri kelisimsharttarymen birge usynylady. Sonymen qatar munda óndiris, qyzmetkerler quramy jáne tapsyrys berýshiler júiesi saqtalǵan.
Zaýyt Almatynyń Alataý aýdanynda, Momyshuly men Móńkebi kósheleriniń qiylysynda ornalasqan. Logistikaǵa qolaily, kirip-shyǵýǵa yńǵaily bul aimaqta mundai óndiristik nysandar sirek satylymǵa shyǵatyny aitylǵan.
