Tarmaqtalǵan biznes jáne affilirlengen kompaniialar jelisi týraly EGOV.PRESS telegram arnasy aqparat taratty. Onda “Ýchiot”kompaniialar tobynyń negizin qalaýshy ári Respublica partiiasynyń teń tóraǵasy retinde tanymal kásipker Maksim Baryshev týraly jazylady. Onyń aýqymdy biznes-qurylym qalyptastyrǵany jáne kontragentterdi tekserý servisteriniń derekterine sáikes málimetter jariialanǵan, dep habarlaidy Dalanews.kz
Jeke kásipker Maksim Baryshevtyń negizgi biznesi 2009 jyly tirkelgen, “Ýchiot.kz”
veb-portalymen bailanysty. Ol osy kúnge deiin 1,14 mlrd teńgeden astam salyq tólegen, bul onyń iri ainalymy bar kásipker ekenin kórsetedi. Sosyn The Boss Media Group JShS 2007 jyly qurylǵan. Ol Ýchiot.kz portalyn basqarady jáne formaldy túrde IT-salaǵa jatatyn biznes qurylym. Basshysy ári quryltaishysy – Maksim Baryshevtiń ózi. Sońǵy jyldary kompaniia salystyrmaly túrde az salyq tólegen jáne shaǵyn-orta biznes sýbektisi retinde esepte turmaidy. KazPowerTrade JShS Baryshevpen bailanysty saýda kompaniiasy. Ataýy basqa bolǵanymen, ol arqyly da iri somalar ótedi, alaida salyqtyq júkteme kúmándi túrde tómen, dep jazady telegram arnasy. “Joǵary berikti kabel qubyrlary zaýyty” JShS Baryshev qurylymyndaǵy óndiristik kásiporyn. Jekelegen jobalarǵa nemese qarajatty shyǵarý shemalaryna paidalanylýy múmkin. Al “Ýchiot. Býhgalteriia” JShS nemese “Ýchiot” kásibi býhgalterler akademiiasy býhgalterlik qyzmetterge bailanysty qurylymdar. Bul uiymdardy da Baryshev basqarady. Olar salyq jáne esep salasyndaǵy konsaltingtik qyzmetter kórsetedi. Kompaniialar tobynyń jalpy ainalymy ondaǵan milliard teńgege baǵalanady. Muny tólengen salyqtardyń jiyntyǵynan janama túrde kórýge bolady. Osy atalǵan qurylymdardyń barlyǵy sońǵy jyldary shamamen 2,3 mlrd teńge salyq tólegen. Alaida qalypty salyq salý jaǵdaiynda bul soma aitarlyqtai joǵary bolar edi, bul salyqtyq júktemeni taldaý arqyly ǵana kórinedi, dep topshylaidy derekkózi.
Baryshev shemasynyń negizgi ereksheligi – biznesti kóptegen zańdy tulǵalar men jeke kásipkerlerge bólshekteý. Bul qurylymdardyń basym bóligi shaǵyn bizneske arnalǵan arnaiy salyq rejimin, ońailatylǵan júieni qoldaný úshin oilastyrylǵan. Sóitip eń tómen salyqtardy (mysaly, ainalymnan 3%) jáne qosymsha qun salyǵynan bosatýdy, sondai-aq korporativtik tabys salyǵynyń aitarlyqtai tómen mólsherin qarastyrýǵa negizdelgen.
Redaktsiiaǵa túsken derekterge sáikes, jeńildetilgen salyq úshin affilirlengen kompaniialar men jeke kásipker arasynda ózara esep aiyrysýlar anyqtalǵan. Bul Baryshevtiń kompaniialary aqshany jeńildetilgen salyq tóleý úshin shaǵyn qurylymdy kásipkerlik nysandarynyń shottaryna belsendi túrde aýdarǵanyn bildiredi. Nátijesinde iri somalar salyq salýdan bosatylǵan. Ol biýdjetke 20% KTS pen 12% QQS tóleýdiń ornyna, nebári 3% biryńǵai salyq nemese múlde eshteńe tólemegen, dep jazady aqparat agenttigi.
Árbir JShS júieli túrde tabystyń edáýir bóligin affilirlengen jeke kásipker arqyly shyǵaryp, qaǵaz júzinde mardymsyz salyqtary bar shaǵyn kásiporyn bolyp qalǵany anyqtalady. Al jeńildetilgen mólsherlemeler men QQS-tyń bolmaýy qoldanylatyn jeke kásipkerlik nysany osy qarajatty jinaǵan. Osylaisha salyqtyq júkteme azaiyp, biýdjetke keltirilgen ziian artqan.
Resmi derekter Baryshev kompaniialarynyń salyqtyq júkteme koeffitsientiniń (SJK) óte tómen ekenin kórsetedi. Baryshevtyń kásiporyndarynda keibir jyldary salyq túsimderi óte az bolǵan. KazPowerTrade JShS biýdjetke keltirilgen ziian - 95 mln tg. Bul – tólenbegen KTS pen QQS. Kompaniia tabystyń eleýli bóligin affilirlengen jeke kásipkerlik arqyly aýdaryp, tolyq mólsherlemeniń ornyna minimým tólegen. The Boss Media Group JShS ziiany 67 mln teńge. Al “Ýchiot”portalynyń flagmandyq biznesi bola tura, bólshekteý arqyly shaǵyn biznes mártebesin paidalanǵany anyqtaldy, ol jerde tabystyń bir bóligi jeke kásipkerlik nemese ózge de bailanysy bar zańdy tulǵalar arqyly ótken. “Joǵary berikti kabel qubyrlary zaýyty” JShS ondaǵan million teńgege (analitikterdiń baǵalaýynsha, shamamen 40–50 mln teńge) biýdjetti shyǵynǵa batyrǵan. Zaýyt shikizat pen qyzmetterdi satyp alyp, QQS-ty barynsha azaitqan.
Jalpy alǵanda qarjylyq analitikterdiń baǵalaýynsha, Maksim Baryshevtiń kompaniialar toby biýdjetke 250 mln teńgeden astam salyq tólemei qalǵan. Bul – sońǵy jyldardaǵy syrtqy taldaý negizindegi ǵana jasalǵan esep, dep jazady Gosreiting.
Dalanews. kz ashyq derekkózindegi aqparatty tekserý úshin Respublica partiiasynyń teń tóraǵasyna saýalhat joldady. Kásipker sońǵy ýaqytta jańa salyq kodeksine qatysty kóp syn aitady. Maksim Baryshev ózin kópshilik aldynda shaǵyn biznesti qorǵaýshy ári salyqtyq reformalarǵa qarsy belsendi retinde kórsetip júr.
