Memleket basshysy Q.Toqaevtyń: «Syndarly qoǵamdyq dialog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda sport salasyn damytýǵa basty nazar aýdarǵany belgili. Búginde osy maqsatta aýdanda jańa nysandar qatary kóbeiýde. Olardyń biri de biregeii Lepsi aýylyndaǵy dene shynyqtyrý jáne saýyqtyrý kesheni. Aýdan ákimi atalǵan keshenniń qazirgi jumys qarqynyń baqylap, merdiger mekeme «Dáýlet – Serpin 603» JShS-niń basshylyǵynyń oi – pikirin tyńdap, qurylys – montaj jumystarynan habardar boldy. Jalpy, qurylys nysanynda 7 tehnika, 12 adam jumys atqarýda. Jańa nysanda sportshylarǵa qazaq kúresi, erkin kúres, dziýdo jáne boksqa arnalǵan zaldar boi kóterip, aldaǵy ýaqytta 150 bala bilim alatyn bolady. Nysannyń ereksheligi elimiz ben shetel sportshylaryn qabyldaýǵa múmkindigi mol bolmaq.
Sonymen qatar aýdan basshysy mal azyǵyn, ásirese pishindeme daiyndaý boiynsha aýdanymyzdyń kóshin bastap otyrǵan «Jazylbekov i K» senim seritestiginiń jumysymen tanysty. Búgingi kúni 4160 ga egistik jer tolyǵymen igerilgen. Onyń 1160 ga – arpa, 1000 ga – jazdyq bidai jáne 1500 ga – kúzdik bidai. Ústimizdegi jyly 1200 ga kúzdik bidaiǵa jer jyrtylyp, ázirlenýde. Jalpy, dala jumystaryna 15 tehnika jumyldyrylsa, 60-qa jýyq adam qyzmet etýde. Al, jem – shópke keler bolsaq, jospar boiynsha 7000 myń tonnanyń 3000 myń tonnasy oryndalsa, qalǵan tonnasy igerilý ústinde. Óńir basshysy senim seriktestiginiń direktory A.Jazylbekovtyń oi – pikirin tyńdap, aldaǵy jumys naýqanyna sáttilik tiledi. Sondai – aq, Toqjailaý aýylsharýashylyq óndiristik kooperativiniń jumys barysymen tanysty. Qazirgi tańda óndiristik kooperativ 5000 gektardan astam jerdi igerýde. Atap aitsaq, 4300 ga – dándi-daqyl, 3500 ga – jazdyq arpa, 800 ga – jazdyq bidai, 107 ga – bir jyldyq jáne 452 ga – kóp jyldyq shóp bolsa, 48 ga – alma baǵy.
Búginde jazdyq arpa dánderi shabylyp, mol ónim alynýda. Sondai – aq, qystyq mal azyǵyn daiyndaý boiynsha 1200 tn – tabiǵi shóp, 2270 tn – pishindeme jáne 700 tn – súrlem daiyndalǵan. Aýdan ákimi Toqjailaý aýylsharýashylyq óndiristik kooperativiniń tóraǵasy A.Babichevtiń pikirin tyńdap, aldaǵy jumysyna tabys tiledi. Artynsha, oblystyq mańyzy bar aýdan aýmaǵyndaǵy Qabanbai – Kóktuma tas jolynyń 44 te 58, 64 te 97 shaqyrym aralyǵyndaǵy orta jóndeý jumystaryn baqylady. Búgingi ýaqytta atalǵan tas jolynyń 44 te 58 shaqyrym aralyǵyna asfalt tóselip, jol belgilerin ornatý, jol syzyqshalaryn syzý jumystary atqarylýda. Al, 64 te 97 shaqyrym aralyǵynda 20 shaqyrymǵa asfalt tóseý jumystary júrgizilýde. Joba boiynsha tas jolynyń 64 te 97 shaqyrym aralyǵyna jol syzyqshalary men jol belgilerin ornatý jumystary qarastyrylǵan. Atalǵan tas jolyn aǵymdaǵy jyldyń qazan aiaqtap, qoldanysqa berý josparlanýda.
Qasiet ARSTAN,
Alakól aýdany ákiminiń
baspasóz-hatshysy
