مەملەكەت باسشىسى ق.توقايەۆتىڭ: «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا سپورت سالاسىن دامىتۋعا باستى نازار اۋدارعانى بەلگىلى. بۇگىندە وسى ماقساتتا اۋداندا جاڭا نىساندار قاتارى كوبەيۋدە. ولاردىڭ ءبىرى دە بىرەگەيى لەپسى اۋىلىنداعى دەنە شىنىقتىرۋ جانە ساۋىقتىرۋ كەشەنى. اۋدان اكىمى اتالعان كەشەننىڭ قازىرگى جۇمىس قارقىنىڭ باقىلاپ، مەردىگەر مەكەمە «داۋلەت – سەرپىن 603» ءجشس-نىڭ باسشىلىعىنىڭ وي – پىكىرىن تىڭداپ، قۇرىلىس – مونتاج جۇمىستارىنان حاباردار بولدى. جالپى، قۇرىلىس نىسانىندا 7 تەحنيكا، 12 ادام جۇمىس اتقارۋدا. جاڭا نىساندا سپورتشىلارعا قازاق كۇرەسى، ەركىن كۇرەس، دزيۋدو جانە بوكسقا ارنالعان زالدار بوي كوتەرىپ، الداعى ۋاقىتتا 150 بالا ءبىلىم الاتىن بولادى. نىساننىڭ ەرەكشەلىگى ەلىمىز بەن شەتەل سپورتشىلارىن قابىلداۋعا مۇمكىندىگى مول بولماق.
سونىمەن قاتار اۋدان باسشىسى مال ازىعىن، اسىرەسە پىشىندەمە دايىنداۋ بويىنشا اۋدانىمىزدىڭ كوشىن باستاپ وتىرعان «جازىلبەكوۆ ي ك» سەنىم سەرىتەستىگىنىڭ جۇمىسىمەن تانىستى. بۇگىنگى كۇنى 4160 گا ەگىستىك جەر تولىعىمەن يگەرىلگەن. ونىڭ 1160 گا – ارپا، 1000 گا – جازدىق بيداي جانە 1500 گا – كۇزدىك بيداي. ۇستىمىزدەگى جىلى 1200 گا كۇزدىك بيدايعا جەر جىرتىلىپ، ازىرلەنۋدە. جالپى، دالا جۇمىستارىنا 15 تەحنيكا جۇمىلدىرىلسا، 60-قا جۋىق ادام قىزمەت ەتۋدە. ال، جەم – شوپكە كەلەر بولساق، جوسپار بويىنشا 7000 مىڭ توننانىڭ 3000 مىڭ تونناسى ورىندالسا، قالعان تونناسى يگەرىلۋ ۇستىندە. ءوڭىر باسشىسى سەنىم سەرىكتەستىگىنىڭ ديرەكتورى ا.جازىلبەكوۆتىڭ وي – پىكىرىن تىڭداپ، الداعى جۇمىس ناۋقانىنا ساتتىلىك تىلەدى. سونداي – اق، توقجايلاۋ اۋىلشارۋاشىلىق وندىرىستىك كووپەراتيۆىنىڭ جۇمىس بارىسىمەن تانىستى. قازىرگى تاڭدا وندىرىستىك كووپەراتيۆ 5000 گەكتاردان استام جەردى يگەرۋدە. اتاپ ايتساق، 4300 گا – ءداندى-داقىل، 3500 گا – جازدىق ارپا، 800 گا – جازدىق بيداي، 107 گا – ءبىر جىلدىق جانە 452 گا – كوپ جىلدىق ءشوپ بولسا، 48 گا – الما باعى.
بۇگىندە جازدىق ارپا داندەرى شابىلىپ، مول ءونىم الىنۋدا. سونداي – اق، قىستىق مال ازىعىن دايىنداۋ بويىنشا 1200 تن – تابيعي ءشوپ، 2270 تن – پىشىندەمە جانە 700 تن – سۇرلەم دايىندالعان. اۋدان اكىمى توقجايلاۋ اۋىلشارۋاشىلىق وندىرىستىك كووپەراتيۆىنىڭ ءتوراعاسى ا.بابيچيەۆتىڭ پىكىرىن تىڭداپ، الداعى جۇمىسىنا تابىس تىلەدى. ارتىنشا، وبلىستىق ماڭىزى بار اۋدان اۋماعىنداعى قابانباي – كوكتۇما تاس جولىنىڭ 44 تە 58، 64 تە 97 شاقىرىم ارالىعىنداعى ورتا جوندەۋ جۇمىستارىن باقىلادى. بۇگىنگى ۋاقىتتا اتالعان تاس جولىنىڭ 44 تە 58 شاقىرىم ارالىعىنا اسفالت توسەلىپ، جول بەلگىلەرىن ورناتۋ، جول سىزىقشالارىن سىزۋ جۇمىستارى اتقارىلۋدا. ال، 64 تە 97 شاقىرىم ارالىعىندا 20 شاقىرىمعا اسفالت توسەۋ جۇمىستارى جۇرگىزىلۋدە. جوبا بويىنشا تاس جولىنىڭ 64 تە 97 شاقىرىم ارالىعىنا جول سىزىقشالارى مەن جول بەلگىلەرىن ورناتۋ جۇمىستارى قاراستىرىلعان. اتالعان تاس جولىن اعىمداعى جىلدىڭ قازان اياقتاپ، قولدانىسقا بەرۋ جوسپارلانۋدا.
قاسيەت ارستان،
الاكول اۋدانى اكىمىنىڭ
ءباسپاسوز-حاتشىسى
