Eýropalyq Odaq alǵash ret Qyrǵyzstanǵa Reseıge janama qoldaý kórsetti degen sebeppen sanksıa engizdi, dep habarlaıdy Dalanews.kz.

Brússel jıyrmasynshy sanksıalar paketi aıasynda shekteýlerdi aınalyp ótýge qarsy arnaıy tetik iske qosty. Onyń maqsaty – úshinshi elder arqyly Reseıge tehnologıa men jabdyq jetkizý arnalaryn jabý. Osyǵan baılanysty endi Qyrǵyzstanǵa Eýropadan birqatar strategıalyq mańyzy bar taýarlardy eksporttaýǵa tolyq tyıym salynady. Tizimge sıfrlyq basqarý júıesi bar stanoktar, telekomýnıkasıalyq jabdyqtar jáne baılanys júıeleri kirgen.

Eýrokomıssıa mundaı sheshimdi bul ónimderdiń Reseıge qaıta jóneltilý qaýpi joǵary bolýymen túsindirdi. Sońǵy jyldary Qyrǵyzstan Reseıge taýar jetkizetin negizgi tranzıttik baǵyttardyń birine aınalǵan. Buǵan eksport kóleminiń birneshe ese ósýi dálel retinde keltirilip otyr.

Sonymen qatar, kórshi eldiń birneshe banki de qara tizimge endi. EO dereginshe, olar krıptobırjalar arqyly rúblge baılanǵan sıfrlyq aktıvterdi paıdalanyp, halyqaralyq esep aıyrysý júrgizgen.

Sarapshylar aldaǵy kezeńde mundaı qysym Reseımen tyǵyz ekonomıkalyq baılanystaǵy ózge memleketterge de taralýy múmkin ekenin aıtady.