ەۋروپالىق وداق العاش رەت قىرعىزستانعا رەسەيگە جاناما قولداۋ كٶرسەتتٸ دەگەن سەبەپپەن سانكتسييا ەنگٸزدٸ, دەپ حابارلايدى Dalanews.kz.
بريۋسسەل جيىرماسىنشى سانكتسييالار پاكەتٸ اياسىندا شەكتەۋلەردٸ اينالىپ ٶتۋگە قارسى ارنايى تەتٸك ٸسكە قوستى. ونىڭ ماقساتى – ٷشٸنشٸ ەلدەر ارقىلى رەسەيگە تەحنولوگييا مەن جابدىق جەتكٸزۋ ارنالارىن جابۋ. وسىعان بايلانىستى ەندٸ قىرعىزستانعا ەۋروپادان بٸرقاتار ستراتەگييالىق ماڭىزى بار تاۋارلاردى ەكسپورتتاۋعا تولىق تىيىم سالىنادى. تٸزٸمگە تسيفرلىق باسقارۋ جٷيەسٸ بار ستانوكتار, تەلەكوممۋنيكاتسييالىق جابدىقتار جەنە بايلانىس جٷيەلەرٸ كٸرگەن.
ەۋروكوميسسييا مۇنداي شەشٸمدٸ بۇل ٶنٸمدەردٸڭ رەسەيگە قايتا جٶنەلتٸلۋ قاۋپٸ جوعارى بولۋىمەن تٷسٸندٸردٸ. سوڭعى جىلدارى قىرعىزستان رەسەيگە تاۋار جەتكٸزەتٸن نەگٸزگٸ ترانزيتتٸك باعىتتاردىڭ بٸرٸنە اينالعان. بۇعان ەكسپورت كٶلەمٸنٸڭ بٸرنەشە ەسە ٶسۋٸ دەلەل رەتٸندە كەلتٸرٸلٸپ وتىر.
سونىمەن قاتار, كٶرشٸ ەلدٸڭ بٸرنەشە بانكٸ دە قارا تٸزٸمگە ەندٸ. ەو دەرەگٸنشە, ولار كريپتوبيرجالار ارقىلى رۋبلگە بايلانعان تسيفرلىق اكتيۆتەردٸ پايدالانىپ, حالىقارالىق ەسەپ ايىرىسۋ جٷرگٸزگەن.
ساراپشىلار الداعى كەزەڭدە مۇنداي قىسىم رەسەيمەن تىعىز ەكونوميكالىق بايلانىستاعى ٶزگە مەملەكەتتەرگە دە تارالۋى مٷمكٸن ەكەنٸن ايتادى.
