«Qazgidromet» RMK bas direktorynyń orynbasary Serik Sairov Batys Qazaqstan oblysyna Resei aýmaǵynan tasqynnyń ekinshi kezeńi kele jatqanyn málimdedi, dep habarlaidy Dalanews.kz.
Úkimet kýlýarynda jýrnalisterdiń saýalyna jaýap bergen ol Aqtóbe men Qostanai oblystarynda tasqynnyń beti qaita bastaǵanyn aitty. Dese de jaqyn arada Qostanai oblysynyń ortalyq, batys bóliginde tasqyn bastalýy múmkin. Sonymen qatar, batys Qazaqstan oblysynda ekinshi kezeńi oryn alady.
– Tasqynnyń kezekti kózi – Resei aýmaǵynan keletin sýdyń kólemi. Óitkeni Irikla sý qoimasynan keletin sýdyń mólsheri kóbeiip, olarda sýdy kúrt túsirý jumysy júrgizilip jatyr. Sonymen qatar, Jaiyqqa Bashqurstannan Saqmar ózeni kelip qosylady... Oralǵa jaqyn kezeńde úlken sý keledi dep kútilip otyr. Jaqyn kezeń degende osy aptanyń aiaǵyna deiingi merzimdi aityp turmyn. Jaiyq ózeni qazirdiń ózinde kóterilip jatyr. Bizdiń qurylymdyq bólimshelerde daiyndyq qarqyndy júrýde», - deidi Serik Saiyrov.
Saiyrov «Qazgidromet» ókilderi Resei mamandarymen kúndelikti bailanysta ekenin, aqparat turaqty kelip jatqanyn da jetkizdi.
