Bulardyń qatarynda aǵa serjant Asqar Shambýzov, maior Áli Batyrov jáne Mirhat Ospanov bar. Bizge jetken málimet boiynsha mobilizatsiia kezinde maidanǵa attanǵan óńirdegi qazaqtartyń kópshiligi oqqa ushyp, bógde eldiń topyraǵyn tyńaitqan.
Bir ǵana Astrahan oblysynda maidan dalasynan tabytqa oralǵan 400 qazaqtyń máiiti jetkizilgen.
Buǵan deiin "Azat Býriatiia" qory Reseidegi buratana ulttardyń kópshiligi (sonyń ishinde Sibir halyqtary) Ýkrain jerinde qoisha qyrylyp jatqanyn habarlaǵan edi. Aita ketelik, Astrahandaǵy qazaqtardyń úlesi salmaǵy 16-17 paiyzdyń ústinde.
Kreml soǵysta ajal qushqan jaýyngerlerdiń naqty sanyn áli kúnge qupiia ustaýda. Al Astrahandaǵy qazaqtardyń narazylyǵy kún ótken saiyn kúsheiip, soǵysqa qatysty ritorika ózgerý ústinde.
Buǵan deiin osy óńirde turatyn Rýslan Shyntas esimdi qazaq jelidegi paraqshasynda: "Qaza bolǵandar sany jóninen bizder (qazaqtar, red.) býriattardan, daǵystardan, tatarlardan jáne bashqurttardan asyp tústik» degen jazba qaldyrǵan.
Onyń aitýynsha, Astarahandaǵy qazaqtardyń soǵystan attanǵan ózge amaly joq. Sebebi, óńirde ksenofiia asqynyp tur. Jalaqysy joǵary jumysqa aziattardy jolata bermeidi, negizinen sliavan tektes ult ókilderine basymdyq beriledi.
Aita ketelik, Resei prezidenti Vladimir Pýtin "orystildi orta qýǵyn-súrginge kórýde" degendi jeleýletip ótken jyldyń aqpan aiynda Ýkrainaǵa basyp kirgen. Kievti úsh kúnniń ishinde jaýlamaq bolǵan Kreml sodan bergi ýaqytta qyp-qyzyl shyǵynǵa batyp, halyqaralyq sanktsiialardyń qursaýyna tústi. Máskeýdiń agressiiasy kesirinen myńdaǵan adam opat bolyp, milliondaǵan adam bosyp ketti.
