بۇلاردىڭ قاتارىندا اعا سەرجانت اسقار شامبۋزوۆ، مايور ءالي باتىروۆ جانە ءمىرحات وسپانوۆ بار. بىزگە جەتكەن مالىمەت بويىنشا موبيليزاسيا كەزىندە مايدانعا اتتانعان وڭىردەگى قازاقتارتىڭ كوپشىلىگى وققا ۇشىپ، بوگدە ەلدىڭ توپىراعىن تىڭايتقان.
ءبىر عانا استراحان وبلىسىندا مايدان دالاسىنان تابىتقا ورالعان 400 قازاقتىڭ ءمايىتى جەتكىزىلگەن.
بۇعان دەيىن "ازات بۋرياتيا" قورى رەسەيدەگى بۇراتانا ۇلتتاردىڭ كوپشىلىگى (سونىڭ ىشىندە ءسىبىر حالىقتارى) ۋكراين جەرىندە قويشا قىرىلىپ جاتقانىن حابارلاعان ەدى. ايتا كەتەلىك، استراحانداعى قازاقتاردىڭ ۇلەسى سالماعى 16-17 پايىزدىڭ ۇستىندە.
كرەمل سوعىستا اجال قۇشقان جاۋىنگەرلەردىڭ ناقتى سانىن ءالى كۇنگە قۇپيا ۇستاۋدا. ال استراحانداعى قازاقتاردىڭ نارازىلىعى كۇن وتكەن سايىن كۇشەيىپ، سوعىسقا قاتىستى ريتوريكا وزگەرۋ ۇستىندە.
بۇعان دەيىن وسى وڭىردە تۇراتىن رۋسلان شىنتاس ەسىمدى قازاق جەلىدەگى پاراقشاسىندا: "قازا بولعاندار سانى جونىنەن بىزدەر (قازاقتار، رەد.) بۋرياتتاردان، داعىستاردان، تاتارلاردان جانە باشقۇرتتاردان اسىپ تۇستىك» دەگەن جازبا قالدىرعان.
ونىڭ ايتۋىنشا، استاراحانداعى قازاقتاردىڭ سوعىستان اتتانعان وزگە امالى جوق. سەبەبى، وڭىردە كسەنوفيا اسقىنىپ تۇر. جالاقىسى جوعارى جۇمىسقا ازياتتاردى جولاتا بەرمەيدى، نەگىزىنەن سلياۆان تەكتەس ۇلت وكىلدەرىنە باسىمدىق بەرىلەدى.
ايتا كەتەلىك، رەسەي پرەزيدەنتى ۆلاديمير پۋتين "ءورىستىلدى ورتا قۋعىن-سۇرگىنگە كورۋدە" دەگەندى جەلەۋلەتىپ وتكەن جىلدىڭ اقپان ايىندا ۋكرايناعا باسىپ كىرگەن. كييەۆتى ءۇش كۇننىڭ ىشىندە جاۋلاماق بولعان كرەمل سودان بەرگى ۋاقىتتا قىپ-قىزىل شىعىنعا باتىپ، حالىقارالىق سانكسيالاردىڭ قۇرساۋىنا ءتۇستى. ماسكەۋدىڭ اگرەسسياسى كەسىرىنەن مىڭداعان ادام وپات بولىپ، ميلليونداعان ادام بوسىپ كەتتى.
