ەڭبەك مينيسترلٸگٸ قازاقستاندا حاراسمەنت ۇعىمىن جەنە ول ٷشٸن جاۋاپكەرشٸلٸكتٸ زاڭ جٷزٸندە بەكٸتۋدٸ تالاپ ەتٸپ وتىر, دەپ حابارلايدى dalanews.kz.
بۇل تۋرالى سەنات كۋلۋارىندا ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ بٸرٸنشٸ ۆيتسە مينيسترٸ ەربول تۋياقباەۆ مەلٸمدەدٸ.
ونىڭ سٶزٸنشە, مينيسترلٸك بۇل مەسەلە بويىنشا ناقتى ۇستانىمدا.
«بٸزدٸڭ پوزيتسييامىز ناقتى. بٸز مۇنى زاڭمەن بەكٸتەمٸز. ونداي جاعدايلار بار, ناقتى كەيستەر بار. بٸز ٷشٸن ەڭ باستى مٸندەتتەردٸڭ بٸرٸ - جۇمىسشىلاردىڭ قۇقىعىن قورعاۋ. جۇمىس ورنىندا ساۋ اتموسفەرا بولۋى كەرەك. سوندىقتان بۇل نورمانىڭ زاڭ جٷزٸندە بەكٸتٸلۋٸن تالاپ ەتەمٸز», - دەدٸ تۋياقباەۆ.
ۆيتسە مينيستردٸڭ ايتۋىنشا, قازاقستانعا مۇنداي نورمانى ەنگٸزۋ جٶنٸندە حالىقارالىق ەڭبەك ۇيىمى دا ۇسىنىم بەرگەن.
«بۇل مەسەلە كٷن تەرتٸبٸنەن الىنعان جوق. جۇمىس جالعاسىپ جاتىر. ادام قۇقىقتارى جٶنٸندەگٸ جوسپار اياسىندا قاراستىرىلىپ جاتىر. ول جوسپار ەڭ جوعارى دەڭگەيدە بەكٸتٸلگەن. قازٸر زاڭ جوباسى مەملەكەتتٸك ورگاندارمەن كەلٸسۋ كەزەڭٸنەن ٶتٸپ جاتىر», - دەدٸ ول.
تۋياقباەۆتىڭ سٶزٸنشە, باستاما ٷكٸمەتتٸڭ زاڭنامالىق ۇسىنىسى رەتٸندە دايىندالۋدا. الايدا ونى دەپۋتاتتارعا ەنگٸزبەس بۇرىن بٸرنەشە رەسٸمنەن ٶتۋ قاجەت.
«بٸراق ناقتى ايتا الامىن: بۇل مەسەلە جابىلعان جوق. بٸز جۇمىستى سوڭىنا دەيٸن جەتكٸزٸپ, زاڭنامالىق بەكٸتۋگە قول جەتكٸزەمٸز», - دەدٸ ۆيتسە مينيستر.
