Qaraqshylyq shabýyl jasady degen kúdikti Reseiden ekstraditsiialandy, dep habarlaidy Dalanews.kz.
Qazaqstan Respýblikasynyń Bas prokýratýrasy qylmystyq toptyń quramynda qaraqshylyq shabýyl jasaǵany úshin qylmystyq jaýapkershilikke tartý maqsatynda kúdiktini Resei Federatsiiasynan ekstraditsiialady.
Kúdikti 2015 jyly tanystarymen aldyn ala sóz bailasyp, Qaraǵandy oblysy Shahtinsk qalasyndaǵy meiramhanalardyń birine qaraqshylyq shabýyl jasaǵan.
Qylmystyń nátijesinde meiramhanaiesine 46 mln. teńgeden astam materialdyq zalal keltirilgen.
Kúdiktiniń seriktesteri qylmystyq jaýapqa tartyldy, al kúdikti boi tasalap, halyqaralyq izdeýge jariialandy.
Aǵymdaǵy jyldyń mamyr aiynda ol Resei Federatsiiasynyń Rostov oblysynda ustaldy, sodan keiin Bas prokýratýranyń suraýy boiynsha Qazaqstanǵa ekstraditsiialandy.
Qazirgi ýaqytta kúdikti tergeý izoliatoryna qamaldy.
Atalǵan qylmys úshin múlki tárkilenip, on jyldan on bes jylǵa deiingi merzimge bas bostandyǵynan aiyrý jazasy qarastyrylǵan.
