قاراقشىلىق شابۋىل جاسادى دەگەن كۇدىكتى رەسەيدەن ەكستراديسيالاندى، دەپ حابارلايدى Dalanews.kz.
قازاقستان رەسپۋبليكاسىنىڭ باس پروكۋراتۋراسى قىلمىستىق توپتىڭ قۇرامىندا قاراقشىلىق شابۋىل جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا كۇدىكتىنى رەسەي فەدەراسياسىنان ەكستراديسيالادى.
كۇدىكتى 2015 جىلى تانىستارىمەن الدىن الا ءسوز بايلاسىپ، قاراعاندى وبلىسى شاحتينسك قالاسىنداعى مەيرامحانالاردىڭ بىرىنە قاراقشىلىق شابۋىل جاساعان.
قىلمىستىڭ ناتيجەسىندە مەيرامحانايەسىنە 46 ملن. تەڭگەدەن استام ماتەريالدىق زالال كەلتىرىلگەن.
كۇدىكتىنىڭ سەرىكتەستەرى قىلمىستىق جاۋاپقا تارتىلدى، ال كۇدىكتى بوي تاسالاپ، حالىقارالىق ىزدەۋگە جاريالاندى.
اعىمداعى جىلدىڭ مامىر ايىندا ول رەسەي فەدەراسياسىنىڭ روستوۆ وبلىسىندا ۇستالدى، سودان كەيىن باس پروكۋراتۋرانىڭ سۇراۋى بويىنشا قازاقستانعا ەكستراديسيالاندى.
قازىرگى ۋاقىتتا كۇدىكتى تەرگەۋ يزولياتورىنا قامالدى.
اتالعان قىلمىس ءۇشىن مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
