قىزىلوردا وبلىسىنىڭ قازالى اۋدانىندا بالاباقشا ەسەپشٸسٸنٸڭ بيۋدجەت قاراجاتىن اسا ٸرٸ مٶلشەردە جىمقىردى دەگەن كٷدٸككە ٸلٸنۋٸنە بايلانىستى سوتقا دەيٸنگٸ تەرگەۋ باستالدى, دەپ حابارلايدى dalanews.kz.
قىزىلوردا وبلىسىنىڭ پروكۋراتۋراسى جٷرگٸزگەن تالداۋ بارىسىندا بالاباقشا ەسەپشٸسٸنٸڭ تٶرت جىل بويى ٶزٸنە شتاتتىق كەستەدە بەلگٸلەنگەن جالاقىدان جوعارى مٶلشەردە قاراجات اۋدارىپ كەلگەنٸ انىقتالعان.
تەكسەرۋ مەلٸمەتٸنشە, ەسەپشٸ ٶزٸنە تيەسٸلٸ بانك شوتتارىنا قوسىمشا اقشا اۋدارۋ ارقىلى بيۋدجەتكە 21,5 ملن تەڭگەدەن استام شىعىن كەلتٸرگەن.
وسى فاكتٸ بويىنشا اۋدان پروكۋراتۋراسى قازاقستان رەسپۋبليكاسى قىلمىستىق كودەكسٸنٸڭ 189-بابى 4-بٶلٸگٸنٸڭ 2) تارماعىندا كٶزدەلگەن قىلمىستىق قۇقىق بۇزۋشىلىق, ياعني اسا ٸرٸ مٶلشەردە سەنٸپ تاپسىرىلعان بٶتەن مٷلٸكتٸ يەمدەنۋ نەمەسە ىسىراپ ەتۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋدٸ باستاعان.
قىلمىستىق ٸس ەرٸ قاراي تەرگەپ-تەكسەرۋ ٷشٸن قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتٸنە جولدانادى.
قازٸرگٸ ۋاقىتتا سوتقا دەيٸنگٸ تەرگەۋ جٷرگٸزٸلٸپ جاتىر.
