Reseıden asa iri kólemde alaıaqtyq jasady degen kúdikti ekstradısıalandy, - dep habarlaıdy Dalanews.kz.
Qazaqstan azamaty asa iri kólemde alaıaqtyq jasaǵany úshin qylmystyq jaýaptylyqqa tartý maqsatynda Reseı Federasıasynan ekstradısıalandy.
Kúdikti 2019-2020 jyldar aralyǵynda kásipkerdi aldaý jáne senimine qıanat jasaý arqyly jalpy somasy 53 mıllıon teńge mólsherde arnaıy tehnıkany, sondaı-aq alaıaqqa tıesili emes kólikti 35 mıllıon teńgege satyp, iri kólemindegi qarajatty jymqyrǵan.
Qylmys jasaǵannan keıin kúdikti qashyp ketken, sol sebepti ol halyqaralyq izdeýge jarıalanǵan.
Osy jyldyń shilde aıynda ol Sankt-Peterbýrg qalasynda ustaldy.
Qazaqstan Respýblıkasy Bas prokýratýrasynyń suraýy boıynsha ol elge ekstradısıalandy.
Qazirgi ýaqytta kúdikti Petropavl qalalyq tergeý ızolátoryna qamaldy.
Aıyptalǵan qylmys úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy kózdelgen.
