Olardyń arasynda prezident qyzmetin «joǵarǵy basqarýshy» dep ózgertý, elde negizgi dindi pravoslavie dep bekitý, sonymen birge Reseige Ekinshi dúniejúzilik soǵystaǵy «jeńýshi-derjava» degen mártebe berý jónindegi usynystar bar.
Vladimir Pýtin Negizgi zańdy ózgertý josparyn 15 qańtarda Federaldyq keńeste jariialaǵan. Prezident sózinde Konstitýtsiiany halyqaralyq zańdardan joǵary qoiý jáne Memlekettik keńes degen organdy qalpyna keltirýdi usynǵan. Pýtin opponentteriniń kóbi túzetýler arqyly ol prezidenttikten ketkennen keiin de bilikti saqtap qalýdy kózdep otyr dep esepteidi.
Ótken aptada Konstitýtsiiaǵa ózgerister engizý týraly zań jobasyn Memlekettik Dýma birinshi oqylymda maquldady. Ekinshi oqylym 11 aqpanǵa belgilengen.
Usynylyp jatqan ózgertýler boiynsha halyqtyq daýys berýdi sáýir aiynda ótkizý josparlanyp otyr. Zań jobasynda daýys berý formaty týraly eshnárse jazylǵan emes. Ony arnaiy qurylǵan top pen Ortalyq sailaý komissiiasy ázirleidi dep kútiledi.
