ولاردىڭ اراسىندا پرەزيدەنت قىزمەتىن «جوعارعى باسقارۋشى» دەپ وزگەرتۋ، ەلدە نەگىزگى ءدىندى پراۆوسلاۆيە دەپ بەكىتۋ، سونىمەن بىرگە رەسەيگە ەكىنشى دۇنيەجۇزىلىك سوعىستاعى «جەڭۋشى-دەرجاۆا» دەگەن مارتەبە بەرۋ جونىندەگى ۇسىنىستار بار.
ۆلاديمير پۋتين نەگىزگى زاڭدى وزگەرتۋ جوسپارىن 15 قاڭتاردا فەدەرالدىق كەڭەستە جاريالاعان. پرەزيدەنت سوزىندە كونستيتۋسيانى حالىقارالىق زاڭداردان جوعارى قويۋ جانە مەملەكەتتىك كەڭەس دەگەن ورگاندى قالپىنا كەلتىرۋدى ۇسىنعان. پۋتين وپپونەنتتەرىنىڭ كوبى تۇزەتۋلەر ارقىلى ول پرەزيدەنتتىكتەن كەتكەننەن كەيىن دە بيلىكتى ساقتاپ قالۋدى كوزدەپ وتىر دەپ ەسەپتەيدى.
وتكەن اپتادا كونستيتۋسياعا وزگەرىستەر ەنگىزۋ تۋرالى زاڭ جوباسىن مەملەكەتتىك دۋما ءبىرىنشى وقىلىمدا ماقۇلدادى. ەكىنشى وقىلىم 11 اقپانعا بەلگىلەنگەن.
ۇسىنىلىپ جاتقان وزگەرتۋلەر بويىنشا حالىقتىق داۋىس بەرۋدى ءساۋىر ايىندا وتكىزۋ جوسپارلانىپ وتىر. زاڭ جوباسىندا داۋىس بەرۋ فورماتى تۋرالى ەشنارسە جازىلعان ەمەس. ونى ارنايى قۇرىلعان توپ پەن ورتالىق سايلاۋ كوميسسياسى ازىرلەيدى دەپ كۇتىلەدى.
