Olardyń sózinshe, Voronej oblysyna jańa tehnika jetkizilip, Stavropoldan Qyrymǵa qarai eshelondar jóneltip jatyr.
"Ýkraina shekarasyna áskerilerden bólek kóptegen tehnikalar jetkizilip jatqanyn aitý kerek. Munshalyqty kóp tehnikanyń jetkizilýin áskeri bólimderdi qaita qarýlandyrý isterimen túsindirý múmkin emes", - dep jazylǵan CIT tobynyń málimdemesinde.
Sarapshylardyń pikirinshe, áskerlerdi shekaraǵa jaqyn jaiǵastyrý isi salystyrmaly túrde baiaý júrip jatyr.
Eger qańtar aiyna deiin osyndai epkinmen qimyldaityn bolsa, onda Qyrymdaǵy áskeri toptardyń sany sáýir kórsetkishinen áldeqaida kóp bolady.
14 qarashada Ýkraina prezidenti Vladimir Zelenskii el shekarasyna jaqyn jerde 100 myń orys áskeri turǵanyn, batys elderi Reseidiń qarýly kúshteri áskerin Ýkrainaǵa jaqyn aimaqtarǵa jaiǵastyryp jatqany týraly málimet bergenin málimdegen. Bul Kiev pen Batys elderiniń alańdaýshylyǵyn týǵyzyp otyr.
21 qarashada Ýkraina qorǵanys ministrliginiń bas barlaý basqarmasynyń jetekshisi Kirill Býdanov Military Times basylymyna Resei Ýkrainaǵa qarsy belsendi soǵys áreketterin 2022 jyldyń qańtar-aqpan ailarynda bastaýy múmkin ekenin aitqan.
