ولاردىڭ سوزىنشە، ۆورونەج وبلىسىنا جاڭا تەحنيكا جەتكىزىلىپ، ستاۆروپولدان قىرىمعا قاراي ەشەلوندار جونەلتىپ جاتىر.
"ۋكراينا شەكاراسىنا اسكەريلەردەن بولەك كوپتەگەن تەحنيكالار جەتكىزىلىپ جاتقانىن ايتۋ كەرەك. مۇنشالىقتى كوپ تەحنيكانىڭ جەتكىزىلۋىن اسكەري بولىمدەردى قايتا قارۋلاندىرۋ ىستەرىمەن ءتۇسىندىرۋ مۇمكىن ەمەس"، - دەپ جازىلعان CIT توبىنىڭ مالىمدەمەسىندە.
ساراپشىلاردىڭ پىكىرىنشە، اسكەرلەردى شەكاراعا جاقىن جايعاستىرۋ ءىسى سالىستىرمالى تۇردە باياۋ ءجۇرىپ جاتىر.
ەگەر قاڭتار ايىنا دەيىن وسىنداي ەپكىنمەن قيمىلدايتىن بولسا، وندا قىرىمداعى اسكەري توپتاردىڭ سانى ءساۋىر كورسەتكىشىنەن الدەقايدا كوپ بولادى.
14 قاراشادا ۋكراينا پرەزيدەنتى ۆلاديمير زەلەنسكيي ەل شەكاراسىنا جاقىن جەردە 100 مىڭ ورىس اسكەرى تۇرعانىن، باتىس ەلدەرى رەسەيدىڭ قارۋلى كۇشتەرى اسكەرىن ۋكرايناعا جاقىن ايماقتارعا جايعاستىرىپ جاتقانى تۋرالى مالىمەت بەرگەنىن مالىمدەگەن. بۇل كييەۆ پەن باتىس ەلدەرىنىڭ الاڭداۋشىلىعىن تۋعىزىپ وتىر.
21 قاراشادا ۋكراينا قورعانىس مينيسترلىگىنىڭ باس بارلاۋ باسقارماسىنىڭ جەتەكشىسى كيريلل بۋدانوۆ Military Times باسىلىمىنا رەسەي ۋكرايناعا قارسى بەلسەندى سوعىس ارەكەتتەرىن 2022 جىلدىڭ قاڭتار-اقپان ايلارىندا باستاۋى مۇمكىن ەكەنىن ايتقان.
