Búgin Ystambulda Dolmabahche saraiynda kelissóz bastaldy, dep habarlaidy Dalanews.kz.
Kezdesýge Túrkiianyń syrtqy ister ministri Hakan Fidan, AQSh atynan Marko Antonio Rýbio jáne Ýkraina prezidenti ákimshiliginiń jetekshisi Andrei Ermak qatysyp jatyr.
Ekinshi kezeńde Túrkiia, Ýkraina jáne Resei delegatsiialary bas qosady.
Sarapshylardyń pikirinshe, bul kelissózder - qantógisti toqtatýǵa jasalǵan mańyzdy qadam, eki taraptyń da beibitshilikke múddeli ekeni baiqalady. Al AQSh pen Túrkiia bitimge kelý protsesine belsendi yqpal etip otyr.
Ýkraina prezidenti Vladimir Zelenskii buǵan deiin Túrkiia prezidenti Rejep Taiyp Erdoǵanmen Ankarada kezdesý týraly kelisim jasaǵanyn aitqan edi. Eger Vladimir Pýtin Túrkiia astanasyna barýdan bas tartyp, Ystambuldy tańdasa, onda Zelenskii men Erdoǵan da sol jaqqa barýǵa daiyn ekenin málimdedi.
"Biz Pýtinmen kezdesý úshin barlyǵyn jasaimyz. Atysty toqtatý týraly sheshimdi ol ǵana qabyldai alady", – dedi Ýkraina basshysy.
BAQ málimetinshe, AQSh prezidenti de kelissózderden "óte jaqsy nátijeler" kútetinin jetkizgen.
