Májilistiń jalpy otyrysynda depýtattar mańyzdy zań jobasyn qaraýǵa aldy. Bul — “Qazaqstan men Resei Úkimeti arasyndaǵy Qazaqstan aýmaǵynda Kókshetaý, Semei jáne Óskemen qalalarynda kómir jaǵatyn jylý elektr ortalyqtaryn salý jobalary týraly kelisimdi ratifikatsiialaý týraly” zań, dep habarlaidy Dalanews.kz.
Zań jobasynyń mánin depýtat Edil Jańbyrshin túsindirip ótti.
Aitýynsha, atalǵan kelisim úsh qalada jańa jylý elektr stantsiialaryn salýǵa bailanysty Qazaqstan men Resei arasyndaǵy yntymaqtastyqty nyǵaitýǵa baǵyttalǵan.
“Kelisimde qurylǵylardy jobalaý, daiyndaý jáne jetkizý, sondai-aq stantsiialardy iske qosý jónindegi jumystar, sonymen qatar qazaqstandyq tarapqa Reseidiń eksporttyq memlekettik kreditin jeńildetilgen qarjylandyrý arqyly berý sharttary qamtylǵan”, — dedi ol.
Josparlanǵan jylý ortalyqtarynyń qýattylyǵy kelesidei:
- Semeide – 360 MVt;
- Óskemende – 360 MVt;
- Kókshetaýda – 248 MVt.
Aita keteiik, buǵan deiin Óskemende jańa jylý elektr ortalyǵyn salý josparlanǵany habarlanǵan edi. Bul jaiynda óńirlik kommýnikatsiialar qyzmetinde ótken brifingte Shyǵys Qazaqstan oblysy energetika jáne turǵyn úi-kommýnaldyq sharýashylyq basqarmasynyń basshysy Nurlan Ramazanov aityp berdi.
Altainews.kz málimetinshe, jańa jylý elektr ortalyǵy Prezident Qasym-Jomart Toqaevtyń tapsyrmasyna sáikes salynbaq. Joba jylý qýatynyń tapshylyǵyn joiýǵa jáne qalany damytý úshin qajetti rezervti qurýǵa múmkindik beredi. Búginde óńirde jylý qýatyna degen qajettilik 1232 Gkal/saǵ quraidy.
Sondai-aq Óskemen qalasynda jylý energiiasynyń tapshylyǵyn tómendetý maqsatynda 2023 jylǵy jeltoqsanda «Óskemen jylý jelileri» AQ №2 qazandyqty keńeitý boiynsha jobalaý-smetalyq qujattamany ázirleý bastaldy, bul joba jylý kózin saǵatyna 100 Gkal-ǵa ulǵaitýǵa baǵyttalǵan.
«Óskemen JEO» JShS Energetika ministrligimen jylý qýaty 130 Gkal/saǵ bolatyn 16-shy qazandyq agregatyn salýǵa investitsiialyq kelisimge qol qoidy, al «Sogra JEO» JShS-de qýaty 60 Gkal/saǵ bolatyn tórtinshi qazandyq agregatyn salýǵa kelisim jasasý máselesi pysyqtalýda.
