ءماجىلىستىڭ جالپى وتىرىسىندا دەپۋتاتتار ماڭىزدى زاڭ جوباسىن قاراۋعا الدى. بۇل — “قازاقستان مەن رەسەي ۇكىمەتى اراسىنداعى قازاقستان اۋماعىندا كوكشەتاۋ، سەمەي جانە وسكەمەن قالالارىندا كومىر جاعاتىن جىلۋ ەلەكتر ورتالىقتارىن سالۋ جوبالارى تۋرالى كەلىسىمدى راتيفيكاسيالاۋ تۋرالى” زاڭ، دەپ حابارلايدى Dalanews.kz.
زاڭ جوباسىنىڭ ءمانىن دەپۋتات ەدىل جاڭبىرشين ءتۇسىندىرىپ ءوتتى.
ايتۋىنشا، اتالعان كەلىسىم ءۇش قالادا جاڭا جىلۋ ەلەكتر ستانسيالارىن سالۋعا بايلانىستى قازاقستان مەن رەسەي اراسىنداعى ىنتىماقتاستىقتى نىعايتۋعا باعىتتالعان.
“كەلىسىمدە قۇرىلعىلاردى جوبالاۋ، دايىنداۋ جانە جەتكىزۋ، سونداي-اق ستانسيالاردى ىسكە قوسۋ جونىندەگى جۇمىستار، سونىمەن قاتار قازاقستاندىق تاراپقا رەسەيدىڭ ەكسپورتتىق مەملەكەتتىك كرەديتىن جەڭىلدەتىلگەن قارجىلاندىرۋ ارقىلى بەرۋ شارتتارى قامتىلعان”، — دەدى ول.
جوسپارلانعان جىلۋ ورتالىقتارىنىڭ قۋاتتىلىعى كەلەسىدەي:
- سەمەيدە – 360 مۆت؛
- وسكەمەندە – 360 مۆت؛
- كوكشەتاۋدا – 248 مۆت.
ايتا كەتەيىك، بۇعان دەيىن وسكەمەندە جاڭا جىلۋ ەلەكتر ورتالىعىن سالۋ جوسپارلانعانى حابارلانعان ەدى. بۇل جايىندا وڭىرلىك كوممۋنيكاسيالار قىزمەتىندە وتكەن بريفينگتە شىعىس قازاقستان وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى نۇرلان رامازانوۆ ايتىپ بەردى.
Altainews.kz مالىمەتىنشە، جاڭا جىلۋ ەلەكتر ورتالىعى پرەزيدەنت قاسىم-جومارت توقايەۆتىڭ تاپسىرماسىنا سايكەس سالىنباق. جوبا جىلۋ قۋاتىنىڭ تاپشىلىعىن جويۋعا جانە قالانى دامىتۋ ءۇشىن قاجەتتى رەزەرۆتى قۇرۋعا مۇمكىندىك بەرەدى. بۇگىندە وڭىردە جىلۋ قۋاتىنا دەگەن قاجەتتىلىك 1232 گكال/ساع قۇرايدى.
سونداي-اق وسكەمەن قالاسىندا جىلۋ ەنەرگياسىنىڭ تاپشىلىعىن تومەندەتۋ ماقساتىندا 2023 جىلعى جەلتوقساندا «وسكەمەن جىلۋ جەلىلەرى» اق №2 قازاندىقتى كەڭەيتۋ بويىنشا جوبالاۋ-سمەتالىق قۇجاتتامانى ازىرلەۋ باستالدى، بۇل جوبا جىلۋ كوزىن ساعاتىنا 100 گكال-عا ۇلعايتۋعا باعىتتالعان.
«وسكەمەن جەو» ج ش س ەنەرگەتيكا مينيسترلىگىمەن جىلۋ قۋاتى 130 گكال/ساع بولاتىن 16-شى قازاندىق اگرەگاتىن سالۋعا ينۆەستيسيالىق كەلىسىمگە قول قويدى، ال «سوگرا جەو» جشس-دە قۋاتى 60 گكال/ساع بولاتىن ءتورتىنشى قازاندىق اگرەگاتىن سالۋعا كەلىسىم جاساسۋ ماسەلەسى پىسىقتالۋدا.
