Búgin Reuters agenttigi Resei Qazaqstannan 100 000 tonna benzin jetkizýge daiyn bolý týrasynda ótinish aitýy múmkin ekenin jazdy, – dep habarlaidy Dalanews.kz.
Eger Ýkrainanyń bespilotnikteri Reseidiń munai óńdeý zaýyttaryn shabýyldaýdy toqtatpasa, jaǵdai ýshyǵyp, Kreml resmi Astanada kómek suraýy yqtimal.
Óz kezeginde QR Energetika ministri Shyńǵys Iliasov Reseiden janar-jaǵarmai jetkizýige qatysty ótinish túspegenin alǵa tartty. Al dál osy máselege qatysty Reseidiń Energetika ministrligi jýrnalisterdiń saýalyna lám-lim dep ún qatpaǵan.
Biraq Reseidiń basty odaqtasy Belarýs Reseige benzin jetkizýge keliskenin bilemiz.
Naýryz aiyndaǵy jaǵdai boiynsha Ýkrainanyń bespilotnikteri Reseidiń munai zaýyttaryna damylsyz shabýyl jasap, kórshi eldiń munai óńdeý salasynyń áleýetin 14 paiyzǵa deiin kemitti.
Ázirshe Kreml ishki naryqta jaran-jaǵarmaimen qaptý turaqty, janarmai qory jetkilikti dep aqparat taratýda.
Aldaǵy ýaqytta Ýkraina munai zaýyttaryna shabýldy údetse, Resei munai ónimderin eksporttaýdan, importtaýshy elge ainalýy bek múmkin.
Kreml ústimizdigi jyldyń 1 naýryzynan bastap alty aiǵa deiin Resei aýmaǵynan benzindi syrtqa shyǵarýǵa shekteý qoiǵany belegili. Osylaisha orystar jararmai tapshylyǵynyń aldyn alýǵa qam jasady. Biraq Reseidiń benzinge qatysty shekteýi Eýraziialyq Odaqqa múshe elderge júrmeidi.
Aitpaqshy, Eýraziialyq odaqqa múshe elder arasynda bir-birine janarmai jetkizý týrasynda úkimetaralyq kelsim bar ekenin de umytpaýymyz kerek. Bul qujatqa Qazaqstan da qol qoiǵany belgili. Sondyqtan Reseide benzin jetpei ajiotaj bolsa, Kreml osy kelisimge qol qoiǵan elderge ótinish aitýǵa qaqysy bar.
Atalǵan kelsimge Mońǵoliia da qol qoiǵan bolatyn. Al mundai jaǵdaida bar salmaq Qazaqstanǵa túsetinin aitpasaq ta túsinikti.
Biraq treiderler Reseide janarmai tapshylyǵy arta tússe, Resei Eýraziialyq odaqqa múshe elderge de janarmai eksporttaýǵa shekteý qoiý múmkin ekenin alǵa tartýda.
Kúni keshe ǵana Reseidiń Orys qalasyn topan sý basyp, qala mańyndaǵy munai óńdeý zaýyty jumysyn toqtatýǵa májbúr boldy.
Búgin de Qazaqstan da sý tasqynynan zardap shegýde. Osyǵan bailanysty el Úkimeti 5 sáýirden bastap gýmanitarlyq maqsatty kózdep syrt elderge janarmai eksporttaýdy shektegen-di.
Derekkózderine júginsek, qazir elimizde halyq kóp tutynatyn Ai-92 markaly benzinniń 307 700 tonna qory bar. Al Ai-95 markaly benzinniń 58 000 tonnany qurasa, dizel otynynyń 435 300 tonna qory bar.
Sondyqtan dál qazir Resei 100 000 tonna benzin suraǵan kúnniń ózinde de ony bere qoiatyn bizde múmkindik joq. Eger qolda bar janarmaidyń qoryn Reseige bersek, elimizde janarmai tapshylyǵy týyndaýy múmkin.
