LRT mańynan taýyp alǵan jalǵyz patron úshin sottalǵan astanalyq azamat aqtalyp shyqty, dep habarlaidy dalanews.kz.
Astanada shyǵarmashylyq jobalarmen ainalysatyn 22 jastaǵy jigit LRT qurylysy mańynan patron taýyp alyp, ony keiin túsirilimde rekvizit retinde qoldaný úshin sómkesine salyp qoiǵan.
Alaida ol patrondy umytyp ketip, bir jyldan keiin Almatyǵa ushpaq bolǵan kezde áýejaidaǵy tekserý barysynda oq-dári sómkesinen tabylǵan.
Osydan keiin sot jas jigitti oq-dárini zańsyz iemdendi, saqtady jáne tasymaldady dep tanyp, bir jylǵa bas bostandyǵyn shekteý jazasyn taǵaiyndaǵan.
Alaida kassatsiialyq sot isti qaita qarap, onyń áreketinde qylmystyq quqyq buzýshylyq quramy joq degen qorytyndyǵa keldi. Nátijesinde is toqtatylyp, astanalyq azamat aqtaldy.
Sot sheshiminde oqiǵa saldarynan eshkim zardap shekpegeni, tek bir ǵana patron tabylǵany jáne ony qylmystyq maqsatta paidalanbaq bolǵany dáleldenbegeni eskerilgen.
