Almaty oblysynda bolǵan aýyr jol-kólik oqiǵasy saldarynan úsh adam kóz jumdy. Áleýmettik jelilerde qaza tapqandardyń arasynda politsiia qyzmetkerleri bolýy múmkin degen aqparat tarady, dep habarlaidy dalanews.kz.
Almaty oblystyq politsiia departamentiniń málimetinshe, jol apaty 23 maýsym kúni Almaty – Shelek – Qorǵas avtojolynyń 132-shaqyrymynda bolǵan.
Aldyn ala derekter boiynsha, Haval markaly kóliktiń júrgizýshisi qarsy baǵytqa shyǵyp ketip, Audi 100 avtokóligimen soqtyǵysqan.
Qatty soqqy saldarynan Audi kóligindegi adamdar oqiǵa ornynda qaza tapqan. Júrgizýshi men eki jolaýshy alǵan jaraqattarynan jedel járdem kelgenge deiin kóz jumǵan.
Atalǵan derek boiynsha politsiia qylmystyq is qozǵady. Haval kóliginiń júrgizýshisi qamaýǵa alyndy.
Qazirgi ýaqytta tergeýshiler apattyń barlyq mán-jaiyn, onyń ishinde kóliktiń qarsy jolaqqa shyǵý sebepterin anyqtap jatyr. Tergeý barysy oblystyq politsiia departamenti basshylyǵynyń erekshe baqylaýyna alynǵan.
Sonymen qatar, politsiia ázirge qaza tapqandardyń quqyq qorǵaý organdarynyń qyzmetkerleri bolǵany týraly aqparatty resmi túrde rastaǵan joq.
