Qazaqstan Transkaspii halyqaralyq kólik baǵytyn damytý aiasynda Aqtaý portyndaǵy túbin tereńdetý jumystaryn jyl sońyna deiin aiaqtaýdy josparlap otyr, dep habarlaidy dalanews.kz.
Úkimettiń málimetinshe, joba teńizdegi keme qatynasy qaýipsizdigin arttyrýǵa jáne osy baǵyttyń ótkizý múmkindigin ulǵaitýǵa baǵyttalǵan.
Jobanyń merdigeri - qytailyq China Harbour Engineering Company Ltd. Kompaniia geodeziialyq zertteýler júrgizip, jumystarǵa qajet derekti óńdeýdi aiaqtaǵan. Qazir arnaiy kemeler, tehnika men jabdyqtar jumyldyrylyp jatyr.
Negizgi jumystardy biyl shildeniń ekinshi jartysynda bastaý josparlanǵan. Joba tolyq aiaqtalǵannan keiin port aýmaǵyndaǵy tereńdik 6-7 metrge deiin ulǵaiady. Bul kemelerdi tolyq júkteýge jáne júkterdi óńdeý tiimdiligin arttyrýǵa múmkindik beredi.
2028 jylǵa qarai Transkaspii halyqaralyq kólik baǵytynyń ótkizý múmkindigin jylyna 6 mln tonnadan 10 mln tonnaǵa deiin arttyrý josparlanyp otyr. Bul Qazaqstannyń Shyǵys pen Batysty bailanystyratyn mańyzdy kólik-logistikalyq torap retindegi rólin kúsheitýge múmkindik beredi.
Bul - Qytaidy Qazaqstan, Kaspii teńizi, Ázerbaijan jáne Grýziia arqyly Eýropa elderimen bailanystyratyn halyqaralyq kólik baǵyty.
