بٷگٸن Reuters اگەنتتٸگٸ رەسەي قازاقستاننان 100 000 توننا بەنزين جەتكٸزۋگە دايىن بولۋ تۋراسىندا ٶتٸنٸش ايتۋى مٷمكٸن ەكەنٸن جازدى, – دەپ حابارلايدى Dalanews.kz.
ەگەر ۋكراينانىڭ بەسپيلوتنيكتەرٸ رەسەيدٸڭ مۇناي ٶڭدەۋ زاۋىتتارىن شابۋىلداۋدى توقتاتپاسا, جاعداي ۋشىعىپ, كرەمل رەسمي استانادا كٶمەك سۇراۋى ىقتيمال.
ٶز كەزەگٸندە قر ەنەرگەتيكا مينيسترٸ شىڭعىس يلياسوۆ رەسەيدەن جانار-جاعارماي جەتكٸزۋٸگە قاتىستى ٶتٸنٸش تٷسپەگەنٸن العا تارتتى. ال دەل وسى مەسەلەگە قاتىستى رەسەيدٸڭ ەنەرگەتيكا مينيسترلٸگٸ جۋرناليستەردٸڭ ساۋالىنا لەم-ليم دەپ ٷن قاتپاعان.
بٸراق رەسەيدٸڭ باستى وداقتاسى بەلارۋس رەسەيگە بەنزين جەتكٸزۋگە كەلٸسكەنٸن بٸلەمٸز.
ناۋرىز ايىنداعى جاعداي بويىنشا ۋكراينانىڭ بەسپيلوتنيكتەرٸ رەسەيدٸڭ مۇناي زاۋىتتارىنا دامىلسىز شابۋىل جاساپ, كٶرشٸ ەلدٸڭ مۇناي ٶڭدەۋ سالاسىنىڭ ەلەۋەتٸن 14 پايىزعا دەيٸن كەمٸتتٸ.
ەزٸرشە كرەمل ٸشكٸ نارىقتا جاران-جاعارمايمەن قاپتۋ تۇراقتى, جانارماي قورى جەتكٸلٸكتٸ دەپ اقپارات تاراتۋدا.
الداعى ۋاقىتتا ۋكراينا مۇناي زاۋىتتارىنا شابۋلدى ٷدەتسە, رەسەي مۇناي ٶنٸمدەرٸن ەكسپورتتاۋدان, يمپورتتاۋشى ەلگە اينالۋى بەك مٷمكٸن.
كرەمل ٷستٸمٸزدٸگٸ جىلدىڭ 1 ناۋرىزىنان باستاپ التى ايعا دەيٸن رەسەي اۋماعىنان بەنزيندٸ سىرتقا شىعارۋعا شەكتەۋ قويعانى بەلەگٸلٸ. وسىلايشا ورىستار جارارماي تاپشىلىعىنىڭ الدىن الۋعا قام جاسادى. بٸراق رەسەيدٸڭ بەنزينگە قاتىستى شەكتەۋٸ ەۋرازييالىق وداققا مٷشە ەلدەرگە جٷرمەيدٸ.
ايتپاقشى, ەۋرازييالىق وداققا مٷشە ەلدەر اراسىندا بٸر-بٸرٸنە جانارماي جەتكٸزۋ تۋراسىندا ٷكٸمەتارالىق كەلسٸم بار ەكەنٸن دە ۇمىتپاۋىمىز كەرەك. بۇل قۇجاتقا قازاقستان دا قول قويعانى بەلگٸلٸ. سوندىقتان رەسەيدە بەنزين جەتپەي اجيوتاج بولسا, كرەمل وسى كەلٸسٸمگە قول قويعان ەلدەرگە ٶتٸنٸش ايتۋعا قاقىسى بار.
اتالعان كەلسٸمگە موڭعولييا دا قول قويعان بولاتىن. ال مۇنداي جاعدايدا بار سالماق قازاقستانعا تٷسەتٸنٸن ايتپاساق تا تٷسٸنٸكتٸ.
بٸراق ترەيدەرلەر رەسەيدە جانارماي تاپشىلىعى ارتا تٷسسە, رەسەي ەۋرازييالىق وداققا مٷشە ەلدەرگە دە جانارماي ەكسپورتتاۋعا شەكتەۋ قويۋ مٷمكٸن ەكەنٸن العا تارتۋدا.
كٷنٸ كەشە عانا رەسەيدٸڭ ورىس قالاسىن توپان سۋ باسىپ, قالا ماڭىنداعى مۇناي ٶڭدەۋ زاۋىتى جۇمىسىن توقتاتۋعا مەجبٷر بولدى.
بٷگٸن دە قازاقستان دا سۋ تاسقىنىنان زارداپ شەگۋدە. وسىعان بايلانىستى ەل ٷكٸمەتٸ 5 سەۋٸردەن باستاپ گۋمانيتارلىق ماقساتتى كٶزدەپ سىرت ەلدەرگە جانارماي ەكسپورتتاۋدى شەكتەگەن-دٸ.
دەرەككٶزدەرٸنە جٷگٸنسەك, قازٸر ەلٸمٸزدە حالىق كٶپ تۇتىناتىن اي-92 ماركالى بەنزيننٸڭ 307 700 توننا قورى بار. ال اي-95 ماركالى بەنزيننٸڭ 58 000 توننانى قۇراسا, ديزەل وتىنىنىڭ 435 300 توننا قورى بار.
سوندىقتان دەل قازٸر رەسەي 100 000 توننا بەنزين سۇراعان كٷننٸڭ ٶزٸندە دە ونى بەرە قوياتىن بٸزدە مٷمكٸندٸك جوق. ەگەر قولدا بار جانارمايدىڭ قورىن رەسەيگە بەرسەك, ەلٸمٸزدە جانارماي تاپشىلىعى تۋىنداۋى مٷمكٸن.
