Ekonomist Rasýl Rysmambetov Reseimen atom elektr stantsiiasyn (AES) salý kelisiminiń bolashaǵyna qatysty kúmán keltirip, Qytaimen tyǵyz yntymaqtastyq jaǵdaiynda bul jobanyń máni joǵalýy múmkin ekenin aitty, dep habarlaidy Dalanews.kz.
«Rosatom Qytaidyń aǵa seriktesiniń kóleńkesinde qalyp qoidy», – dep jazdy sarapshy.
Onyń aitýynsha, Qytai salyp jatqan ekinshi jáne úshinshi stantsiialar reseilik alǵashqy jobadan buryn iske qosylady.
«Sonda Reseidiń birinshi stantsiiasyna degen qajettilik joiylady», – deidi ol.
Osy jaǵdaida Rysmambetov Qazaqstan úshin bul kelisimdi «sulý formada» rásimdeý qajet ekenin alǵa tartady. Óitkeni keiin bul joba el úshin paidasyz shyǵyn men qajetsiz mindettemege – sunk cost-qa ainalýy múmkin.
«Bir tehnologiiaǵa arnalǵan kadrlardy daiarlaý áldeqaida tiimdi», – deidi sarapshy.
Ol sonymen qatar energetikalyq saiasattaǵy qarama-qaishylyqtarǵa da toqtaldy:
«Úsh JEO-ǵa 1 trln teńge taba almai otyrǵan úkimet AES-ke aqshany qaidan tabady?», – dep suraidy Rysmambetov.
Sarapshynyń pikirinshe, Qytaimen birlesken jobalar logikasy tar tabandy temir jol jelisin Eýropa baǵytyna qarai tartý ideiasyn qaita qozǵaýǵa alyp kelýi múmkin.
Ol pragmatizmniń qajet ekenin moiyndai otyryp, aýyl sharýashylyǵy salasynda sheteldik qatysýdyń shegin naqty belgileý kerektigin de eske salady: «Stantsiialar tóńiregindegi bultartpas josparlar – Qytai agroholdingterine jer ielenýge ruqsat berý degen sóz emes. Bizdiń artyqshylyǵymyz – taza ónim».
«Tramvaidy ótkizip aldyq, sebebi joǵary jyldamdyqtaǵy poiyzǵa otyramyz» degen sózimen sarapshy Qazaqstannyń damý vektoryn jańasha baǵalaýǵa shaqyrady.
Eske salaiyq, Qytai Qazaqstanda úshinshi atom elektr stantsiiasyn salady. Bul týraly Úkimettegi brifing barysynda premer-ministrdiń birinshi orynbasary Roman Skliar málimdedi.
Onyń aitýynsha, biyl jaýapty memlekettik organdar eki jańa AES-tiń naqty qaida salynatynyn jariialaidy. Aita keteiik, alǵashqy stantsiiany "Rosatom" Almaty oblysy Jambyl aýdanyndaǵy Úlken aýylynda salýdy josparlap otyr.
Ekinshi AES-tiń qurylysyn qytailyq China National Nuclear Corporation basqaratyn konsortsiým júzege asyrady. Sarapshylardyń málimetinshe, bul stantsiianyń yqtimal orny retinde Shyǵys Qazaqstan oblysyndaǵy Kýrchatov qalasy qarastyrylyp jatyr.
