Endeshe Qazaqstandaǵy qandai reseilik nómirli kólikter aiyp turaǵyna qoiylýy múmkin ekenin kolesa.kz túsindirip kóripti:
- Reseidiń GIBDD-synda tirkeýde turǵan,
- Qazaqstanda merzimi ótpegen saqtandyrý polisi bar,
- merzimi ótpegen reseilik "tehosmotry" bar kóliktiń Qazaqstanda júrýine ruqsat!
Kólik Reseide tirkeýde tur ma, joq pa – ol jaǵyn kólik quralynyń tirkeý kýáliginiń nómiri nemese VIN-kod engizý arqyly myna saittan tekserýge bolady.
Resei nómirli kóliktiń iesi ekenin rastaý úshin qazaqstandyqtyń qolynda myna qujattar bolýy tiis:
- satyp alý/satý týraly kelisim-shart;
- kólik iesi bergen bas senimhat;
- kólik quralynyń pasporty (PTS).
Reseilik nómirli qandai kóliktiń Qazaqstanda júrýine bolmaidy?
- Reseidiń GIBDD-synda esepten shyǵarylǵan;
- Resei aýmaǵynda qozǵalysyna shekteý salynǵan: arestte turǵan, urlanǵan, izdeý salynǵan jáne t.b.
Al endi Reseidiń tirkeýinen shyǵyp qalǵan kólikti Qazaqstanda tirkeýge qoiýǵa bolady. Ol úshin birneshe mindetti talap bar:
- róli sol jaqta bolýy tiis;
- tútininiń tazalyǵy Evro-4 talabynan tómen emes;
- ABS bolýy kerek;
- júrgizýshiniń "qaýipsizdik dorbasy" bolýy kerek;
- balalarǵa arnalǵan kreslony qystyratyn ISOFIX júiesi bolýy kerek;
- kúndizgi jaryq shamy bolýy tiis.
Reseiden kelgen kólikke "rastamojka" jasatý qajet emes, esesine ýtilsbor men alǵashqy tirkeý úshin engizilgen alymdy tólep tastaý mindetti.
Bul talaptarǵa sai emes kólikti bólshektep satyp jiberýden basqa amal joq.
