Resei men Qazaqstan Resei munaiyn Qytaiǵa QR territoriiasy arqyly tranzit kólemin ulǵaitý múmkindigin qarastyryp jatyr. Bul týraly Úkimette ótken brifing barysynda Energetika ministri Erlan Aqkenjenov málimdedi, dep habarlaidy Dalanews.kz.
"Resei tarapynan, onda da atap aitqanda" Transneft " kompaniiasynan ótinish boldy. Qytai Halyq Respýblikasyna tasymaldanatyn Resei munaiynyń kólemin 2,5 mln tonnaǵa deiin ulǵaitý jóninde. Tehnikalyq múmkindikterdi zerdeleý jumystaryn "Transneft" jáne "QazTransOil" kompaniialary júrgizýde, – dedi Aqkenjenov.
Ministr qos taraptyń jumysy jaqyn arada aiaqtalatynyn, qosymsha munai aidaý stantsiialaryn salý kerek bolady ma, joq pa, ol jaǵy sol kezde belgili bolatynyn aitty.
Aita ketsek, "QazTransOildyń" ("QazMunaiGazdyń" enshilesi) Resei munaiynyń Qytaiǵa tasymaly kóleminiń 2,5 mln tonnaǵa deiin artýy esebinen qosymsha 15-18 mln dollar alatyny boljanady.
