Reseidiń Ishki ister ministrligi UQK-niń burynǵy basshysy Kárim Másimovtiń eks-kúieý balasy Azamat Qapenovtiń baýyry - Meder Qapenovke izdeý jariialady. Izdeý jariialaný sebepteri men qylmystyq is boiynsha málimetter ázirge belgisiz, - dep habarlaidy Dalanews.kz.
Meder Qapenov 1993 jyly Qyrǵyzstanda dúniege kelgen. 2000 jyldardyń sońynan bastap Máskeýde turyp, bilim alǵan. Qazaqstanda Qapenov «Transkonteiner Evraziia» JShS jáne «Evrotrans Aktiv» JShS kompaniialarynyń iesi retinde tirkelgen, olar logistika salasynda jumys isteidi. Reseide oǵan jyljymaityn múlik basqarýmen ainalysatyn «Rýbiýs» kompaniiasy tiesili. 2022 jyly ol Qyrǵyzstan azamattyǵyn alǵan.
Áleýmettik jelilerde Qapenovtiń Máskeýde elitalyq jyljymaityn múlikke ielik etetini týraly aqparat tarady. Onyń astananyń ortalyǵyndaǵy Varsonofevskiidegi páteri shamamen 2 milliard teńgege baǵalanady.
Eske salaiyq, buǵan deiin izdeý jariialanǵan Azamat Kápenov Birikken Arab Ámirlikterinde jasyrynyp júrýi múmkin ekeni aityldy. Bul týraly aqparat «Vyhod k moriý» telegram arnasynda paida bolǵan edi.
Telegramdaǵy málimet boiynsha, bul týraly aqparat reseilik «Magistral» júiesinde paida bolǵan. «Magistral» - el ishinde qoǵamdyq kólik jolaýshylarynyń qozǵalysyn jáne olardyń Resei Federatsiiasynyń Memlekettik shekarasynan ótýin tirkep otyratyn júie. «Vyhod k moriý» Kápenov Máskeýden Dýbaiǵa 2023 jyldyń 22 shildesinde ushyp ketip, qaitadan oralmaǵanyn jazady.
«Kápenov Qazaqstannyń qylmys áleminde buǵan deiin de kózge túsken. Sonyń biri – Almatydaǵy «Beirýt» meiramhanasynda prodiýser Eltinjal Turǵanalievpen tóbelesi. Taǵy bir oqiǵa burynǵy áielimen bailanysty. Kápenov onyń birinshi áieli 150 myń dollaryn urlaǵanyn dáleldemek bolǵan. Al 2014 jyly prokýratýra Azamat Kápenov basshylyq etken «Qaztemirtransqa» tekseris júrgizgen bolatyn. Azamat tergeý kezinde Máskeýde bolyp, artynsha Kárim Másimovtiń qyzy Tamillaǵa úilenip, Resei azamattyǵyn aldy. Bul jerde, árine, onyń yqpaly kúshti týysy da kómektesken bolýy kerek».
Telegram arnadaǵy málimet boiynsha, Máskeýde Kápenov elitaly jyljymaityn múlikter men qymbat avtokólikter satyp ala bastaǵan. Ol úshin Másimovtiń eks-kúieýbalasy 10 milliard teńge jumsaǵan. Sonymen qatar, Kápenov elden keterde quny 190 myń eýro Porsche Taycan Turbo S avtokóligin minip júrgen.
«Azamat Kápenov «Qaztemirtranstaǵy» isin Kárim Másimovtiń arqasynda jaýyp, Qazaqstanǵa eshqandai qylmystyq qýdalaýdan qoryqpai kelgen. Al 2022 jyly qańtar oqiǵasynan keiin Másimov sottalǵan soń Kápenovtiń esimi BAQ betterinde jii aityla bastady. Sebebi «Aziia-Avtonyń» burynǵy iesi Anatolii Balýshkin Másimovter áýleti men Kápenov zaýytqa reiderlik shabýyl jasady dep aiyptady. Artynsha Azamat Kápenovtiń ústinen taǵy birneshe aryz jazylǵan. Osylaisha Azamatqa Reseide júrgen kezinde-aq «Alaiaqtyq» baby boiynsha is qozǵaldy. Biraq istiń mán-jaiy Qazaqstanda da, Reseide de aitylmaidy. Qylmystyq is Balýshkinniń aryzymen de bailanysty bolýy múmkin».
Taǵy bir boljam boiynsha, Azamatqa qatysty is «Otkrytye tehnologii» reseilik kompaniiasyndaǵy seriktesterimen de bailanysty bolýy múmkin kórinedi.
«Kápenov osy kompaniiamen tyǵyz seriktestik bailanysta bolǵan. Bul kompaniia Resei Federatsiiasyna qarsy joǵary tehnologiialyq ónimderdi jetkizýge sanktsiialar engizilgennen keiintez dami bastady jáne qorǵanys salasynda jumys isteitin memlekettik merdigerlerdenaqparattyq qaýipsizdik kelisimsharttaryn ala bastady. Qańtar oqiǵasynan keiin Azamat Kápenov eks-qaiyn atasynyń komandasymen de bailanysyn úzbegen. 2022 jyly sáýirde Kápenovtiń hatshysy Timýr Qulybaevtyń jaqyn seriktesi Mirbolat Ábýovtiń koronavirýsqa qarsy testin tirkep, ony Radisson Collection Hotel qonaqúiine ornalastyrǵan. Al Ábýovtiń Másimovpen tek iskerlik baǵytta ǵana emes, «týystyq» bailanysy bar. Mirbolat Ábýov pen Másimovtiń jeke qarjygeri Aigúl Nurievanyń ortaq balalary bar».
