رەسەيدىڭ ىشكى ىستەر مينيسترلىگى ۇقك-نىڭ بۇرىنعى باسشىسى كارىم ءماسىموۆتىڭ ەكس-كۇيەۋ بالاسى ازامات قاپەنوۆتىڭ باۋىرى - مەدەر قاپەنوۆكە ىزدەۋ جاريالادى. ىزدەۋ جاريالانۋ سەبەپتەرى مەن قىلمىستىق ءىس بويىنشا مالىمەتتەر ازىرگە بەلگىسىز، - دەپ حابارلايدى Dalanews.kz.
مەدەر قاپەنوۆ 1993 جىلى قىرعىزستاندا دۇنيەگە كەلگەن. 2000 جىلداردىڭ سوڭىنان باستاپ ماسكەۋدە تۇرىپ، ءبىلىم العان. قازاقستاندا قاپەنوۆ «ترانسكونتەينەر ەۆرازيا» ج ش س جانە «ەۆروترانس اكتيۆ» ج ش س كومپانيالارىنىڭ يەسى رەتىندە تىركەلگەن، ولار لوگيستيكا سالاسىندا جۇمىس ىستەيدى. رەسەيدە وعان جىلجىمايتىن مۇلىك باسقارۋمەن اينالىساتىن «رۋبيۋس» كومپانياسى تيەسىلى. 2022 جىلى ول قىرعىزستان ازاماتتىعىن العان.
الەۋمەتتىك جەلىلەردە قاپەنوۆتىڭ ماسكەۋدە ەليتالىق جىلجىمايتىن مۇلىككە يەلىك ەتەتىنى تۋرالى اقپارات تارادى. ونىڭ استانانىڭ ورتالىعىنداعى ۆارسونوفيەۆسكييدەگى پاتەرى شامامەن 2 ميلليارد تەڭگەگە باعالانادى.
ەسكە سالايىق، بۇعان دەيىن ىزدەۋ جاريالانعان ازامات كاپەنوۆ بىرىككەن اراب امىرلىكتەرىندە جاسىرىنىپ ءجۇرۋى مۇمكىن ەكەنى ايتىلدى. بۇل تۋرالى اقپارات «ۆىحود ك موريۋ» تەلەگرام ارناسىندا پايدا بولعان ەدى.
تەلەگرامداعى مالىمەت بويىنشا، بۇل تۋرالى اقپارات رەسەيلىك «ماگيسترال» جۇيەسىندە پايدا بولعان. «ماگيسترال» - ەل ىشىندە قوعامدىق كولىك جولاۋشىلارىنىڭ قوزعالىسىن جانە ولاردىڭ رەسەي فەدەراسياسىنىڭ مەملەكەتتىك شەكاراسىنان ءوتۋىن تىركەپ وتىراتىن جۇيە. «ۆىحود ك موريۋ» كاپەنوۆ ماسكەۋدەن دۋبايعا 2023 جىلدىڭ 22 شىلدەسىندە ۇشىپ كەتىپ، قايتادان ورالماعانىن جازادى.
«كاپەنوۆ قازاقستاننىڭ قىلمىس الەمىندە بۇعان دەيىن دە كوزگە تۇسكەن. سونىڭ ءبىرى – الماتىداعى «بەيرۋت» مەيرامحاناسىندا پروديۋسەر ەلتىنجال تۇرعانالييەۆپەن توبەلەسى. تاعى ءبىر وقيعا بۇرىنعى ايەلىمەن بايلانىستى. كاپەنوۆ ونىڭ ءبىرىنشى ايەلى 150 مىڭ دوللارىن ۇرلاعانىن دالەلدەمەك بولعان. ال 2014 جىلى پروكۋراتۋرا ازامات كاپەنوۆ باسشىلىق ەتكەن «قازتەمىرترانسقا» تەكسەرىس جۇرگىزگەن بولاتىن. ازامات تەرگەۋ كەزىندە ماسكەۋدە بولىپ، ارتىنشا كارىم ءماسىموۆتىڭ قىزى تاميللاعا ۇيلەنىپ، رەسەي ازاماتتىعىن الدى. بۇل جەردە، ارينە، ونىڭ ىقپالى كۇشتى تۋىسى دا كومەكتەسكەن بولۋى كەرەك».
تەلەگرام ارناداعى مالىمەت بويىنشا، ماسكەۋدە كاپەنوۆ ەليتالى جىلجىمايتىن مۇلىكتەر مەن قىمبات اۆتوكولىكتەر ساتىپ الا باستاعان. ول ءۇشىن ءماسىموۆتىڭ ەكس-كۇيەۋبالاسى 10 ميلليارد تەڭگە جۇمساعان. سونىمەن قاتار، كاپەنوۆ ەلدەن كەتەردە قۇنى 190 مىڭ ەۋرو Porsche Taycan Turbo S اۆتوكولىگىن ءمىنىپ جۇرگەن.
«ازامات كاپەنوۆ «قازتەمىرترانستاعى» ءىسىن كارىم ءماسىموۆتىڭ ارقاسىندا جاۋىپ، قازاقستانعا ەشقانداي قىلمىستىق قۋدالاۋدان قورىقپاي كەلگەن. ال 2022 جىلى قاڭتار وقيعاسىنان كەيىن ءماسىموۆ سوتتالعان سوڭ كاپەنوۆتىڭ ەسىمى ب ا ق بەتتەرىندە ءجيى ايتىلا باستادى. سەبەبى «ازيا-اۆتونىڭ» بۇرىنعى يەسى اناتوليي بالۋشكين ماسىموۆتەر اۋلەتى مەن كاپەنوۆ زاۋىتقا رەيدەرلىك شابۋىل جاسادى دەپ ايىپتادى. ارتىنشا ازامات كاپەنوۆتىڭ ۇستىنەن تاعى بىرنەشە ارىز جازىلعان. وسىلايشا ازاماتقا رەسەيدە جۇرگەن كەزىندە-اق «الاياقتىق» بابى بويىنشا ءىس قوزعالدى. ءبىراق ءىستىڭ ءمان-جايى قازاقستاندا دا، رەسەيدە دە ايتىلمايدى. قىلمىستىق ءىس بالۋشكيننىڭ ارىزىمەن دە بايلانىستى بولۋى مۇمكىن».
تاعى ءبىر بولجام بويىنشا، ازاماتقا قاتىستى ءىس «وتكرىتىە تەحنولوگيي» رەسەيلىك كومپانياسىنداعى سەرىكتەستەرىمەن دە بايلانىستى بولۋى مۇمكىن كورىنەدى.
«كاپەنوۆ وسى كومپانيامەن تىعىز سەرىكتەستىك بايلانىستا بولعان. بۇل كومپانيا رەسەي فەدەراسياسىنا قارسى جوعارى تەحنولوگيالىق ونىمدەردى جەتكىزۋگە سانكسيالار ەنگىزىلگەننەن كەيىنتەز دامي باستادى جانە قورعانىس سالاسىندا جۇمىس ىستەيتىن مەملەكەتتىك مەردىگەرلەردەناقپاراتتىق قاۋىپسىزدىك كەلىسىمشارتتارىن الا باستادى. قاڭتار وقيعاسىنان كەيىن ازامات كاپەنوۆ ەكس-قايىن اتاسىنىڭ كومانداسىمەن دە بايلانىسىن ۇزبەگەن. 2022 جىلى ساۋىردە كاپەنوۆتىڭ حاتشىسى تيمۋر قۇلىبايەۆتىڭ جاقىن سەرىكتەسى ميربولات ءابۋوۆتىڭ كوروناۆيرۋسقا قارسى تەستىن تىركەپ، ونى Radisson Collection Hotel قوناقۇيىنە ورنالاستىرعان. ال ءابۋوۆتىڭ ماسىموۆپەن تەك ىسكەرلىك باعىتتا عانا ەمەس، «تۋىستىق» بايلانىسى بار. ميربولات ءابۋوۆ پەن ءماسىموۆتىڭ جەكە قارجىگەرى ايگۇل نۇرييەۆانىڭ ورتاق بالالارى بار».
