Reseide qysqy klimat rejimi qolaisyz bolyp, kúzdik egin josparlanǵandai bitik kóterilmegen, dep habarlaidy Dalanews.kz.
Sonyń saldarynan, Resei astyq boiynsha osydan eki jyl burynǵy rekordtaryn jańarta almaidy. Sonda biyl soltústik kórshi boljam boiynsha 80 million tonna astyq óndirip, onyń teń jartysyn ishki tutynýǵa alyp qalady. Demek, ol artylyp qalǵan astyǵyn satyp júrgen naryqtardan ketýi tiis.
«Sońǵy eki jylda reseilik eksporterler bizdiń dástúrli naryqqa kirip, demping jasap júrgen bolatyn. Sonyń saldarynan fermerlerimiz ózderi josparlaǵan paidadan anaǵurlym az taýyp júrdi. Aýǵanstan, Iran, Pákistan, Ortalyq Aziia elderi biz astyq satatyn naryq bolyp sanalady. Biyl Resei bul naryqtarǵa dempingpen kirmeidi dep oilap otyrmyz», - deidi DALA INSIDE derekkózi.
Sáikesinshe, Qazaqstan astyq ekportynan byltyrǵa qaraǵanda kóbirek kiris alýy múmkin. Biyl otandyq bidai óndirisi ótken jyldarmen bir deńgeide saqtalady dep boljanýda. Shamamen biz 18,58 million tonna astyqty oryp alýdy josparlan otyrmyz. Onyń 10 million tonnasy eksportqa, 8,5 million tonnasy ishki naryqqa baǵyttalýy tiis.
«Bidai kólemin azaitpasaq ta, bizdegi un sharýashylyǵy turalap tur. Shet memleketter bizden un alǵysy kelmeidi. Olar bizden bidaidy shikizat retinde alyp, ózderi diirmenge tartyp, baǵa qosyp un qylyp satýda», - deidi, derekkóz.
Bul problemany memleket sheshe almai qoidy. Basqa memleketterdi «bizden bidai alma, un al» dep májbúrlei almaǵandyqtan, byltyrdan bastap elimizdegi birneshe diirmen jumysyn toqtatty. Ondaǵy qurylǵylar jumyssyz tura berse, shiri bastaýy yqtimal.
AQSh Aýyl sharýashylyǵy ministrliginiń derekterine sáikes, qazir Qazaqstandaǵy qoimalarda saqtalyp jatqan bidai qory 3,45 million tonnany quraidy.
