Resei memlekettik dýmasy otyrysynda Bishkek qalasyndaǵy qyrǵyz-reseilik slavian ýniversitetiniń jańa kampýsyn salý máselesi qaralyp, osy tusta Qyrǵyzstandaǵy birqatar kóshe men eldi meken ataýlarynyń ózgerýi de sóz boldy, dep habarlaidy Dalanews.kz.
Áńgime 2025 jylǵy 25 qarashada qol qoiylǵan kelisim jóninde órbidi. Qujatqa sáikes, Resei tarapy jańa kampýsty jobalaý, salý jáne qajetti jabdyqtarmen qamtýdy óz mindetine alady. Al Qyrǵyzstan keminde 30 gektar jer bólip, infraqurylym tartýy tiis.
Joba iske qosylǵannan keiin oqý ornyndaǵy stýdentter sany 15 myń adamǵa deiin jetedi dep kútilýde. Kelisimdi Qyrǵyzstan parlamenti maquldap, el prezidenti qol qoiǵan.
Talqylaý barysynda Dýma depýtaty Mihail Matveev Qyrǵyzstanda keńestik jáne oryssha ataýlary bar kósheler men eldi mekenderdiń ataýy jappai ózgerip jatqanyn aityp, bul úrdisti synǵa aldy.
Ol mysal retinde Gorkii, Tolstoi, Frýnze jáne Molodaia Gvardiia sekildi ataýlardy atady.
