رەسەي مەملەكەتتىك دۋماسى وتىرىسىندا بىشكەك قالاسىنداعى قىرعىز-رەسەيلىك سلاۆيان ۋنيۆەرسيتەتىنىڭ جاڭا كامپۋسىن سالۋ ماسەلەسى قارالىپ، وسى تۇستا قىرعىزستانداعى ءبىرقاتار كوشە مەن ەلدى مەكەن اتاۋلارىنىڭ وزگەرۋى دە ءسوز بولدى، دەپ حابارلايدى Dalanews.kz.
اڭگىمە 2025 جىلعى 25 قاراشادا قول قويىلعان كەلىسىم جونىندە ءوربىدى. قۇجاتقا سايكەس، رەسەي تاراپى جاڭا كامپۋستى جوبالاۋ، سالۋ جانە قاجەتتى جابدىقتارمەن قامتۋدى ءوز مىندەتىنە الادى. ال قىرعىزستان كەمىندە 30 گەكتار جەر ءبولىپ، ينفراقۇرىلىم تارتۋى ءتيىس.
جوبا ىسكە قوسىلعاننان كەيىن وقۋ ورنىنداعى ستۋدەنتتەر سانى 15 مىڭ ادامعا دەيىن جەتەدى دەپ كۇتىلۋدە. كەلىسىمدى قىرعىزستان پارلامەنتى ماقۇلداپ، ەل پرەزيدەنتى قول قويعان.
تالقىلاۋ بارىسىندا دۋما دەپۋتاتى ميحايل ماتۆەيەۆ قىرعىزستاندا كەڭەستىك جانە ورىسشا اتاۋلارى بار كوشەلەر مەن ەلدى مەكەندەردىڭ اتاۋى جاپپاي وزگەرىپ جاتقانىن ايتىپ، بۇل ءۇردىستى سىنعا الدى.
ول مىسال رەتىندە گوركيي، تولستوي، فرۋنزە جانە مولودايا گۆارديا سەكىلدى اتاۋلاردى اتادى.
