Reseide 9 mamyrǵa arnalǵan áskeri parad qarsańynda mobildi internetke shekteýler engizildi, dep habarlaidy dalanews.kz.
Reuters málimetinshe, Máskeýdiń birqatar aýdanynda paidalanýshylar seisenbi kúni mobildi internettiń istemei qalǵanyn baiqaǵan. Alaida daýys arqyly qońyraý shalý qyzmeti qalypty rejimde jumys istegen.
Resei biligi bul sharalardy qaýipsizdikpen bailanystyrdy.
«Bul sheshimder qaýipsizdik máselelerine, sonyń ishinde dron shabýyldary qaýpine bailanysty qabyldandy», – dep túsindirdi resmi ókilder.
Sonymen qatar elde internetke baqylaý kúsheiip kele jatqany atap ótilýde. Sońǵy ýaqytta túrli servisterdiń buǵattalýy jiilep, paidalanýshylar VPN qyzmetterin kóbirek qoldana bastaǵan.
Uialy bailanys operatorlary men iri kompaniialar da yqtimal irkilister týraly eskertken.
«Mobildi internette, messendjerlerde jáne onlain servisterde ýaqytsha aqaýlar bolýy múmkin», – delingen habarlamalarda.
Sarapshylardyń pikirinshe, mundai shekteýler iri memlekettik is-sharalar aldynda qaýipsizdik sharalaryn kúsheitý tájiribesiniń bir bóligine ainalyp otyr.
