Resei Syrtqy ister ministriniń orynbasary Mihail Galýzin Ýkrainadaǵy soǵysty ýaqytsha toqtatyp, qaqtyǵysty «toqtata turýdy» Máskeý úshin qolaily sheshim emes ekenin málimdedi, dep habarlaidy dalanews.kz.
TASS agenttigine bergen suhbatynda ol Resei prezidenti Vladimir Pýtinniń ustanymyna silteme jasap, daǵdarystyń túpki sebepteri joiylmaiynsha eshqandai «muzdatý» múmkin emestigin aitty.
«Prezident Vladimir Pýtin birneshe ret atap ótkendei, bul daǵdarystyń bastapqy sebepteri sheshilmeiinshe, qandai da bir “muzdatý” týraly sóz bolýy múmkin emes. Zelenskii shynaiy jaǵdaidan alystap ketkeni baiqalady jáne qaqtyǵysty odan ári ýshyqtyrýǵa tyrysyp otyr. Bul tipti Kiev seriktes sanaityn memleketterdiń de narazylyǵyn týǵyzýda», – dedi Galýzin.
Resei diplomaty AQSh-tyń Ýkrainaǵa qatysty áreketterin de synǵa aldy. Onyń pikirinshe, Vashingtonnyń ustanymy beibit retteý nietimen úilespeidi. Galýzin bul rette AQSh memlekettik hatshysy Marko Rýbionyń Amerika ózin «beitarap deldal» retinde qarastyrmaityny týraly málimdemesin mysalǵa keltirdi.
SIM ókiliniń aitýynsha, Máskeý óz maqsattaryna «Ankoridjdegi ýaǵdalastyqtardy eskere otyryp» qol jetkizýge daiyn jáne saiasi erik bolǵan jaǵdaida Ýkraina tóńiregindegi jaǵdaidy diplomatiialyq jolmen retteýge bolady dep esepteidi.
