Ýkraina biligi Reseidiń shabýyldary saldarynan eldiń aýyl sharýashylyǵy salasyna keltirilgen shyǵyn kólemin 11 milliard dollar dep baǵalap otyr. Bul týraly Bloomberg agenttigi habarlady, dep habarlaidy dalanews.kz.
Kievtiń málimetinshe, shyǵynnyń edáýir bóligi aýyl sharýashylyǵy tehnikasy men jabdyqtarynyń joiylýynan kelgen. Joiylǵan tehnikanyń quny 6,5 milliard dollarǵa deiin jetedi. Sonymen qatar astyq saqtaý qoimalary siiaqty infraqurylym nysandary búlinip, aýyl sharýashylyǵy ónimderi urlanǵan nemese joiylǵan.
Sońǵy ýaqytta shabýyldar ásirese Odessa oblysynda kúsheigen. 2026 jyldyń basynan beri port infraqurylymyna 180-nen astam soqqy jasalǵan. Bul kórsetkish búkil 2025 jylǵy shabýyldar sanymen teń.
Kei kezeńderde óńirdiń eksporttyq múmkindigi 20-30 paiyzǵa deiin qysqarǵan. Saldarynan aýyl sharýashylyǵy ónimderin shetelge jetkizý aitarlyqtai qiyndaǵan.
Shabýyldardan halyqaralyq agroónerkásip kompaniialarynyń nysandary da zardap shekken. Atap aitqanda, Bunge jáne ADM kásiporyndarynyń obektileri soqqyǵa ushyraǵan.
Ýkraina tarapynyń baǵalaýynsha, naqty shyǵyn kólemi budan da joǵary bolýy múmkin. Óitkeni esepke alynǵan tikelei materialdyq zalaldan bólek, joǵalǵan tabys pen basqa da janama ekonomikalyq saldarlar bar.
Bloomberg málimetinshe, soǵys jaǵdaiy Ýkraina aýyl sharýashylyǵynyń óndiristik jáne eksporttyq áleýetine eleýli áser etip otyr.
