Ulttyq ýniversitetterdi rektorlar bylyqqa batyrdy.
– Negizi, olardyń bárin buryn ózi taǵaiyndaǵan edi ǵoi. Biraq, soǵan qaramastan aitqan syny da, sógisi de óte oryndy. Jurttyń bári "eki siyrdy" jyrlai bermei, rektorlar máselesine de nazar aýdarǵandary jón.
Sebebi, shynymen de memlekettik biýdjetten qarjylandyrylyp otyrǵan ulttyq ýniversitetterdi aldy on, sońy jiyrma jyl basqaryp otyrǵan rektorlar bylyqqa batyrdy. Nazarbaev aitsa aitqandai.
Olar mańaiyna sapaly bilim beretin professorlardan góri aqsha jasaýǵa sheber, pysyqai kommersanttardy jinap alyp, jaǵympazdyqtyń týyn kóterip sybailas jemqorlyqtyń kórigin qyzdyryp otyr, – deidi ol.
Rektor óz jerlesteri men aqsha jasaityn sybailastaryn ǵana mańaiyna jinaidy.
– Rektor degender qazir qaptaǵan oqqaǵarlary bar, esigin ańdyǵan birneshe kómekshileri bar bilim beretinderden góri kúshenip túk bitirmeitin abajadai apparaty bar, sumdyq kirpiiaz patshaǵa ainalǵan.
Biýrokrattyqtary sumdyq. Ǵylymi keńesti qol astyndaǵy qul-qutanǵa ainaldyryp jibergen. Kommertsiialyq bólimderdiń oqý aqysyn millionǵa aparyp tirep qoiǵan. Biraq, berip jatqan biliminiń sapasy syn kótermeidi.
Bizdiń ulttyq ýniversitetterdiń diplomdary álem elderiniń eshbirinde moiyndalmaidy. Sebebi, bergen bilimderiniń praktikada ózin aqtamaityndyǵyn bári biledi. Oqytýshylardy konkýrs arqyly qabyldaimyz deidi. Onysy ótirik.
Rektor óz jerlesteri men aqsha jasaityn sybailastaryn ǵana mańaiyna toptastyrady. Oqý protsesine baqylaý jasalmaidy.
Sonyń saldarynan jas ǵalymdar, bilikti mamandar shetelge ketip jatyr.
Daiyndap jatqan "ónimderi" - bakalavriat – polýfabrikat, magistratýra – haltýra, doktorantýra – dalbasa! – dep qosty ol taǵy.
"Qysqasy, Nazarbaev aitqandai ulttyq jáne memlekettik ýniversitetterdiń barlyq rektorlaryn jańa oqý jyly bastalmai turyp, laýazymdarynan bosatý kerek", dep toqtady sarapshy.
