Endi sanaýly kúnderden soń Qazaqstan qoǵamy nazaryndaǵy mańyzdy saiasi oqiǵa – AES qurylysy boiynsha jalpyhalyqtyq referendým ótedi. Eldegi sailaý ýchaskelerinde qyzý daiyndyq jumystary júrip jatyr.
QR Ortalyq sailaý komissiiasynyń dereginshe, osy jolǵy referendýmǵa 177 halyqaralyq baiqaýshy resmi tirkeýden ótken. Olardyń 30-y shet memlekettiń, onyń ishinde 4-eýi iri halyqaralyq uiymnyń ókilderi. Jalpy alǵanda, respýblikalyq referendýmdy ótkizý baiqaýyna 30 shet memlekettiń ókilderi qatysady.
Sonymen qatar, onshaqty qazaqstandyq táýelsiz baqylaýshy uiymdar QR Ortalyq sailaý komissiiasyna tirkelip, aldaǵy saiasi naýqanda baqylaýshylyq jasamaq. Sondai baqylaýshylar tobynyń biri saiasattanýshy Nurbolat Nyshanbai bastaǵan «Baqylaý qyrandary». «Baqylaý qyrandary» táýelsiz baqylaýshylar toby qyrkúiektiń basynda quryldy. Baqylaýshylardy oqytý kýrstary qyrkúiek aiynda birneshe aimaqtarda jáne iri qalalarda júrgizildi.
«Bir ai buryn áleýmettik jelide baqylaýshylyq top qurý týraly bastama kóterdim. Nátijesinde saiasattanýshy áriptesterimnen qoldaý taýyp, sońǵy tórt aptada «Baqylaý qyrandary» toby qalyptasty. Bizdiń basty maqsatymyz respýblika boiynsha referendým barysyn baqylaý. Bizdiń ustanymymyz – árbir daýys ádil sanalýy tiis! Sol úshin de bizdiń baqylaýshylarymyz referendým kúni elimizdiń birqatar óńirinde sailaý ýchaskelerinde zań erejeleriniń saqtalyp jatqanyna kóz jetkizip, baqylaityn bolady. Bizdiń ókilderimiz sailaý ýchaskelerinde tańnan keshke deiin qyraǵylyq tanytyp, azamattyq boryshyn óteitin bolady», - deidi Nurbolat Nyshanbai.
