Búgin Oral qalasynda el tarihy úshin mańyzdy kúni shańyraq kóterip, qol ustasyp daýys berýge kelgen jas-jubailar kópshilikti súisintti.
Bir ereksheligi otaý qurǵan azamattyń mamandyǵy – energetik. Murat pen Gúlzinattyń tanystyǵy Murat- Batys Qazaqstan oblysynyń energetika jáne turǵyn úi-kommýnaldyq sharýashylyq basqarmasynyń bólim basshysy, al Gúlzinat Oral qalasy ákimdiginiń baspasóz qyzmetinde eńbek etken kezde bastalypty.
Eki jas eki jyldan astam ýaqyt birge júrip, dál osy referendým kúni nekelerin qidyrýǵa bekinipti.
Bir qyzyǵy, toidy josparlaǵan kezde olar bul kún mańyzdy oqiǵa — atom elektr stantsiiasynyń qurylysy boiynsha referendýmmen sáikes keletinin bilmedi.
Otaý qurǵan jastar toi aldynda aldymen referendýmǵa arnaiy kelgen.
-Bizdiń shańyraq kóterýimiz osyndai aitýly datamen tuspa-tus kelgenine óte qýanyshtymyz. 5-10 jyl ótkennen keiin sailaý kúni shańyraq kótergen edik dep eske alyp otyratyn shyǵarmyz. Referendýmda daýys berý – Qazaqstanda turatyn árbir azamattyń mindetti, paryzy dep esepteimin. Sebebi, bizdiń memleketimizdiń bolashaǵy, - deidi jas jubailar.
Esterińizge sala keteiik, búgin qalada 130 sailaý ýchaskesi jumys isteidi. Onyń ishinde - 14 jabyq sailaý ýchaskesi.
Jabyq sailaý ýchaskeleri - qandai da bir sebeptermen jalpy sailaý ýchaskelerine kele almaityn jáne áskeri bólimderde, aýrýhanalarda, quqyq qorǵaý organdarynyń mekemelerindegi jáne t.b. azamattar úshin jumys isteidi.
Jalpy Oral qalasyndaǵy sailaýshylar tizimine 444 428 myńnan astam adam engizilgen.
