Bas prokýratýra qazaqstandyqtarǵa úndeý jasady, dep habarlaidy Dalanews.kz.
Memleket basshysynyń Jarlyǵyna sáikes (11.02.2026 j. №1170 Jarlyq) 2026 jylǵy 15 naýryzda «Jobasy buqaralyq aqparat quraldarynda 2026 jylǵy 12 aqpanda jariialanǵan Qazaqstan Respýblikasynyń jańa Konstitýtsiiasyn qabyldaisyz ba?» degen saýalǵa respýblikalyq referendým ótedi.
Ony ázirleý men ótkizý tártibi «Respýblikalyq referendým týraly» jáne referendým týraly zańnamaǵa qaishy kelmeitin bóliginde «Qazaqstan Respýblikasyndaǵy sailaý týraly» Konstitýtsiialyq zańdarymen retteledi.
«Respýblikalyq referendým týraly» Konstitýtsiialyq zańynyń 7-1-babyna sáikes respýblikalyq referendýmǵa bailanysty qoǵamdyq pikirge saýal salý «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańynda belgilengen talaptarǵa sáikes oǵan daiyndyq pen ótkizý kezeńinde júrgizilýge tiis.
Buqaralyq aqparat quraldary, onlain-platformalar sailaýǵa bailanysty qoǵamdyq pikirge saýal salý nátijelerin jariialaǵan kezde saýal júrgizgen zańdy tulǵany, saýal júrgizýge tapsyrys bergen jáne onyń aqysyn tólegen tulǵalardy, saýal júrgizilgen ýaqytty, aqparat jinaý ádisin, suraqtyń naqty tujyrymyn, saýal salynǵandardyń sany men saýal salý nátijeleriniń qatelik koeffitsientin kórsetýge mindetti.
Qoǵamdyq pikirge saýal salýdy Qazaqstan Respýblikasynyń zańnamasyna sáikes tirkelgen, qoǵamdyq pikirge saýal salýdy júrgizý boiynsha keminde bes jyl tájiribesi bar zańdy tulǵalar tiisti qujattardyń kóshirmelerin qosa berip, bul týraly Ortalyq sailaý komissiiasyn jazbasha túrde aldyn ala habardar ete otyryp júrgizýge quqyly.
Ortalyq sailaý komissiiasyna jiberiletin habarlamada saýal salýdy júrgizýge qatysatyn jáne osy salada jumys tájiribesi bar mamandar týraly, qoǵamdyq pikirge saýal salý júrgiziletin óńirler týraly, qoldanylatyn taldaý ádisteri týraly málimetter kórsetiledi.
Qoǵamdyq pikirge saýal salý nátijelerin daýys beriletin kúnniń aldyndaǵy bes kún ishinde jáne daýys beriletin kúni buqaralyq aqparat quraldarynda, onlain-platformalarda jariialaýǵa jol berilmeidi.
Sondai-aq sailaý kúni daýys berýge arnalǵan úi-jaida nemese pýnktte qoǵamdyq pikirge saýal salýdy júrgizýge tyiym salynady («Qazaqstan Respýblikasyndaǵy sailaý týraly» Konstitýtsiialyq zańynyń 28-babynyń 9-tarmaǵy).
Bul talaptardy buzǵany úshin Ákimshilik quqyq buzýshylyq týraly kodekstiń 120-babyna sáikes ákimshilik jaýaptylyq kózdelgen.
Osy arada búgingi kúni 4 buzýshylyq anyqtaldy, onyń ishinde respýblikalyq referendýmǵa qatysty zańsyz qoǵamdyq pikirge saýal salýdy júrgizýdiń 3 faktisi jáne saýal salýdyń qorytyndylaryn tiisti derektemelersiz jariialaý 1 faktisi.
2-i jaǵdaida saýalnamalardy jeke tulǵalar, al basqa jaǵdaida - zańdy tulǵa Ortalyq referendým komissiiasynyń fýnktsiialaryn júzege asyratyn Ortalyq sailaý komissiiasynaldyn ala habardar etýinsiz júrgizgen.
Atalǵan faktiler boiynsha prokýratýra organdary eki azamat pen bir zańdy tulǵany Qazaqstan Respýblikasy Ákimshilik quqyq buzýshylyq týraly kodeksiniń 120-babynyń 3-bóligi boiynsha ákimshilik jaýaptylyqqa tartty, olarǵa aiyppul salyndy.
Sonymen qatar bir baspa basylym iesi Qazaqstan Respýblikasy Ákimshilik quqyq buzýshylyq týraly kodeksiniń 120-babynyń 1-bóligi boiynsha qoǵamdyq pikirge júrgizilgen saýalnama nátijelerin zańda kózdelgen mindetti derektemelersiz jariialaǵany úshin jaýaptylyqqa tartyldy.
Konstitýtsiiaǵa sáikes (83-bap) prokýratýra organdary referendým ótkizýdiń barlyq kezeńderinde zańdylyqtyń saqtalýyn qadaǵalaýdy qamtamasyz etedi.
Joǵaryda baiandalǵandy eskerip, Bas prokýratýra azamattardy, qoǵamdyq uiymdar men buqaralyq aqparat quraldaryn respýblikalyq referendýmǵa daiyndyq jáne ony ótkizý kezinde qoldanystaǵy zańnamany qatań saqtaýǵa shaqyrady.
