Búgin qalada respýblıkalyq referendým kúni qozǵalysy shekteýli turǵyndar úshin qala ákimdigi «Invataksı» qyzmetin usynady.

«Invataksı» múgedekter arbasyn paıdalanatyn jáne tirek-qımyl apparaty men kórý qabileti buzylǵan azamattar úshin qoljetimdi.

Megapolıste barlyǵy 100 arnaıy avtokólik qyzmet kórsetýde.

«Invataksı» qyzmetin kelesi dıspecherlik qyzmet nómirleri arqyly tapsyrys berýge bolady: • múgedekter arbasyn paıdalanatyn jáne tirek-qımyl apparaty buzylǵan azamattar úshin: +7 747 402 6415, +7 707 710 6050 (WhatsApp); • kórý qabileti buzylǵan azamattar úshin: +7 705 980 87 09, +7 705 831 48 14.

Sonymen qatar, múmkindigi shekteýli azamattarǵa kólik qyzmetin kórsetý jáne tasymaldaý úshin qosymsha 20 kezekshi kólik bólindi. Kezekshi kólikti shaqyrý úshin kelesi nómirge habarlasýǵa bolady: 338-30-09. Osy nómir boıynsha múmkindigi shekteýli azamattar qyzmet sapasy boıynsha da shaǵymdana alady.

Eske salaıyq, búgin Qazaqstan aýmaǵynda AES qurylysy máselesi boıynsha respýblıkalyq referendým ótýde. Qaladaǵy saılaý ýchaskeleri saǵat 20:00-ge deıin jumys isteıdi.