بۇگىن قالادا رەسپۋبليكالىق رەفەرەندۋم كۇنى قوزعالىسى شەكتەۋلى تۇرعىندار ءۇشىن قالا اكىمدىگى «ينۆاتاكسي» قىزمەتىن ۇسىنادى.

«ينۆاتاكسي» مۇگەدەكتەر ارباسىن پايدالاناتىن جانە تىرەك-قيمىل اپپاراتى مەن كورۋ قابىلەتى بۇزىلعان ازاماتتار ءۇشىن قولجەتىمدى.

مەگاپوليستە بارلىعى 100 ارنايى اۆتوكولىك قىزمەت كورسەتۋدە.

«ينۆاتاكسي» قىزمەتىن كەلەسى ديسپەچەرلىك قىزمەت نومىرلەرى ارقىلى تاپسىرىس بەرۋگە بولادى: • مۇگەدەكتەر ارباسىن پايدالاناتىن جانە تىرەك-قيمىل اپپاراتى بۇزىلعان ازاماتتار ءۇشىن: +7 747 402 6415، +7 707 710 6050 (WhatsApp)؛ • كورۋ قابىلەتى بۇزىلعان ازاماتتار ءۇشىن: +7 705 980 87 09، +7 705 831 48 14.

سونىمەن قاتار، مۇمكىندىگى شەكتەۋلى ازاماتتارعا كولىك قىزمەتىن كورسەتۋ جانە تاسىمالداۋ ءۇشىن قوسىمشا 20 كەزەكشى كولىك ءبولىندى. كەزەكشى كولىكتى شاقىرۋ ءۇشىن كەلەسى نومىرگە حابارلاسۋعا بولادى: 338-30-09. وسى ءنومىر بويىنشا مۇمكىندىگى شەكتەۋلى ازاماتتار قىزمەت ساپاسى بويىنشا دا شاعىمدانا الادى.

ەسكە سالايىق، بۇگىن قازاقستان اۋماعىندا اەس قۇرىلىسى ماسەلەسى بويىنشا رەسپۋبليكالىق رەفەرەندۋم وتۋدە. قالاداعى سايلاۋ ۋچاسكەلەرى ساعات 20:00-گە دەيىن جۇمىس ىستەيدى.